ស្រុកកំណើតខ្ញុំ

ស្រុកកំណើតខ្ញុំ             ជាទីមនោរម្យ                      

នៃរូបខ្ញុំពិត                   កន្លែងសុខសាន្ត           

ប្រាណមានជីវិត            ចិត្តខ្ញុំនែបនិត

ពុំមានថ្ងៃភ្លេច។

ឳស្រុកកំណើត             សម្រស់ល្អឆើត            

ចាំងចែងរុំលេច             ធម្មជាតិខៀវខ្ជី             

បីដូចជាពេជ្រ               ជាឋានសួគ៌ពិត

នៃជីវិតខ្ញុំ។

ស្រុកកំណើតខ្ញុំ             ពុកម៉ែមីងអ៊ុំ         

រស់យ៉ាងសុខខុម           មិនដែលឃ្លាតឃ្លា 

ទឹកដីសុខក្តុម                ត្រជាក់ត្រជំ

ដល់ជនគ្រាប់គ្នា៕

ស៊ាំង ញឹស (ជំនាញIT)
Email : saingnhoes@gmail.com