កាលនៅស្រុកស្រែ ពុកម្ដាយមើលថែ
ថ្នាក់ថ្មមរក្សា បីបាច់កូនស្ងួន
មិនឃ្លាតឡើយណ មើលគ្រប់កិច្ចការ
ដើម្បីកូនថ្លៃ។
តែពេលនេះឃ្លាត ចាកឆ្ងាយផៅញាតិ
សែនឆ្ងាយពេកក្រៃ ព្រោះការសិក្សា
ដែលកូនស្រមៃ ប្រឹងឲ្យប្រពៃ
ដើម្បីគ្រួសារ។
ទោះឆ្ងាយម្ដេចក្ដី រូបកូនប្រុសស្រី
មិនរាឡើយណា តស៊ូជំនះ
ការងារសាលា ប្រឹងយកផ្លែផ្ការ
មកជួនម្ដាយថ្លៃ។
ដៃកូនកាន់ប៊ិច សំឡឹងមិនព្រិច
ស្ដាប់គ្រូរាល់ថ្ងៃ ណែនាំពន្យល់
បង្ហាត់កូនថ្លៃ ទឹកចិត្តលោកថ្លៃ
កូនប្រឹងស្រវ៉ា។
ជិះកង់់កាត់ភ្លៀង វេលាមិនទៀង
កូនដល់សាលា ជួបជុំមិត្តភក្រ
ខំធ្វើកិច្ចការ ដែលសាស្រ្តាចារ
លោកដាក់បង្ហើយ។
ឯការដេកពួន ការញ៉ាំកូនស្ងួន
មិនសូវឆ្ងាញឡើយ តែក៏សមគួរ
មិនតិចមិនស្បើយ ប៉ុណ្ណឹងសមហើយ
សម្រាប់រូបកូន៕
 |
| ស្ងាម ក្រឹម(រូប វិទ្យា) Email: sngamkrem@gmail.com |