ធ្វើស្រែក្រោមគេ

ធ្វើស្រែក្រោមគេ            មិនដែលស្រួលទេ

ត្រូវគេជិះជាន់               ទឹកតិចគេយក

ទឹកច្រើនលិចជន           ស្រូវស្រែដំណាំ

ខូចខាត់គ្មានសល់។

ស្រែគេស្រូវល្អ              ដំណាំឈូឆរ

ផុតទុក្ខអំពល               ព្រោះគេស្រែលើ

អំណាចអស់កល           គ្មានគិតខ្វាយខ្វល់

ដល់អ្នកក្រោមទេ។

ស្រូវប្រាំងក្រៀមស្វិត      វស្សានេះពិត

ទឹកលិចឋិតថេរ             ស្រូវងាប់ស្ទើរអស់

ចិត្តខ្វល់ឥតល្ហែរ            អ្នកក្រោមត្អូញត្អែ​

ខឹងគេមិនកើត។

អ្នកលើមានទុក្ខ             អ្នកក្រោមតាំងមុខ

ព្រោះត្បិតគ្មានផ្លូវ           អ្នកលើរួចផុត

អ្នកក្រោមជាប់នៅ          តោងកម្មសោកសៅ

មិនអាចគេចបាន។

អ្នកអើយចូរចាំ              បើមិនចង់កម្ម

វេទ្ទនាប្រាណ               កុំធ្វើក្រោមគេ

លះបង់ចាកឋាន            បើអ្នកលើច្រាន

យើងធ្លាក់រណ្ដៅ​ ៕

ចិន​ ភ្នី(គី មីវិទ្យា)
E-mail: chinphny@gmail.com