បុប្ផាឧត្តរ មានជ័យស្មោះស
ចិត្តខ្ញុំប្រាថ្នា សុំផ្ញើខ្លួនប្រាណ
លើអ្នកហើយណា សូមជួយរក្សា
រូបខ្ញុំនេះផង។
ព្រោះពូជអ្នកល្អ សម្រស់បវរ
ប្រសើរកន្លង អ្នកជិតឆ្ងាយឃើញ
ចង់ចងចំណង ចង់មានប្អូនបង
គ្រប់ស្រុកទាំងប្រាំ។
បុប្ផាសំរោង ចិត្តល្អគួរតោង
ទុកជាចំណាំ រក្សាសាច់ញាតិ
មិនឲ្យប្រេះស្រាំ អ្នកគួរចងចាំ
ចំណាំក្នុងចិត្ត។
ត្រពាំងប្រាសាទ ចារិតស្អាតបាទ
ស្មោះស្ម័គ្រមិនគិត កែប្រែក្រឡាស់
បោកប្រាស់ញាតិមិត្ត មិនមានគំនិត
បោកប្រាស់វៀចវេ។
ចុងកាល់នោះវិញ ក៏ល្អមិនចាញ់
តែងស្មោះមិនរេ សុភាពរាបសារ
គួរស្រឡាញ់ធ្វេរ ហើយស្មោះឋិតថេរ
គ្មានអ្វីលៀមលាក់។
អន្លង់វែងឆ្ងាយ តែសែនសប្បាយ
គួរសមរាក់ទាក់ ធម្មជាតិស្រស់ល្អ
មានដីត្រជាក់ ប្រជាគ្រប់លក្ខណ៍
សមនឹងរាប់អាន។
ឯនៅបន្ទាយ អំពិលមិនងាយ
សាវ៉ារុញច្រាន ស្មោះត្រង់គ្រប់ពេល
គ្មានទេសាមាន្យ មង្គលសុខសាន្ត
រស់នៅថ្លៃថ្នូ៕
 |
| ស្ងាម ក្រឹម(រូប វិទ្យា) E-mail: sngamkroem@gmail.com |