ឧត្តរមានជ័យ ៖ នៅបរិវេណបឹងស្នោក្នុងទីរួមខេត្តឧត្តរមានជ័យមានរៀបចំពិធីបុណ្យអុំទូក បណ្តែត ប្រទីបនិងអកអំបុកលើកទី៧ឆ្នាំ២០១១ពិធីនេះប្រព្រឹត្តទៅក្រោមអធិបតីភាពឯកឧត្តមទេសរដ្ឋមន្ត្រី សេរី កុសល អនុប្រធានក្រុមការងារចុះជួយខេត្តឧត្តរមានជ័យឯកឧត្តម ប៉ិច សុខិន អភិបាលខេត្តនិងលោកជំទាវ ឯកឧត្តម យឹម ធិន ប្រធានក្រុមប្រឹក្សាខេត្ត និងលោកជំទាវព្រម ទាំងមានការ អញ្ជើញចូលរួមពីសំណាក់ឯកឧត្តម លោកជំទាវលោក លោកស្រីនិងប្រតិភូរ អគ្គកុងស៊ុលវៀតណាមនិងប្រតិភូព្រះរាជាណាចក្រថៃសរុបប្រហែលជា៣ម៉ឺននាក់។
បុណ្យអុំទូកក្នុងខេត្តឧត្តរមានជ័យលើកទី៧នាឆ្នាំ២០១១នេះប្រព្រឹត្តទៅរយៈពេលបីថ្ងៃ គឺចាប់ពីថ្ងៃទី០៥រហូតដល់ថ្ងៃទី០៧ខែតុលាឆ្នាំ២០១១ ពិធីបុណ្យអ៊ុំទូកនេះប្រព្រឹត្តទៅក្នុង គោលបំណងដើម្បីរួមចំណែកក្នុងការជួយថែរក្សាប្រពៃណី វប្បធ៌ម ទំនៀមទម្លាប់ ដ៍ល្អផូរផង របស់ដូនតារបស់យើងដែលបានបន្សល់ទុកជាយូមកហើយនិងដើម្បីបង្កើននូវសាមគ្គីភាពគ្នា រវាងកីឡាករក៏ដូចប្រជាពលរដ្ឋទូទៅកាន់តែស្និតស្នាលមួយកំរិតថែមទៀត។
តាមរបាយការណ៍របស់លោក អ៊ឹង បូរ៉ាត អនុប្រធានអនុគណៈកម្មាធិការបុណ្យអ៊ុំទូកនិងជា ប្រធានមន្ទីរអប់រំយុវជននិងកីឡាខេត្តឧត្តរមានជ័យបានបញ្ជាក់ថាឆ្នាំ២០១១នេះ ជាលើកទី ៧ហើយសំរាប់ខេត្តឧត្តរមានជ័យដែលបានប្រារព្ធពិធីបុណ្យមួយនេះក្នុងរយៈពេល៣ថ្ងៃគឺ ថ្ងៃទី០៥រហូតដល់ថ្ងៃ០៧ខែវិច្ឆិកាឆ្នាំ២០១១នេះដែលមានទូកចូលរួមចំណុះ២២នាក់ចំនួន២០ និងទូកចំណុះ៦នាក់ចំនួន៩ទូក។បន្ទាប់ពីឯកឧត្តម សេរី កុសល មានប្រសាសន៍រួចមក
ឯកឧត្តម ប៉ិច សុខិន បានមានប្រសាសថា ពិធីបុណ្យអុំទូកថ្ងៃនេះក៏មិន អាចកាត់ផ្ដាច់ចេញ ពីថ្ងៃប្រវតិ្តសាស្ត្រ៧មករាឆ្នាំ១៩៧៩បានដែរព្រោះបើគ្មានគណបក្សប្រជាជនកម្ពុជា គ្មានថ្ងៃ ៧មករា១៩៧៩គ្មាននយោបាយឈ្នះឈ្នះរបស់សម្ដេចអគ្គមហាសេនាបតីតេជោ ហ៊ុន សែន យើងក៏គ្មានឱកាសបានប្រារព្ធពិធីបុណ្យដ៏មានសារៈសំខាន់នេះដែរ។ឯកឧត្តម ប៉ិច សុខិន បានមានប្រសាសបន្តទៀតថា ជាការពិតណាស់ថាភាពហូរកញ្ជៀវ កុះករ កងរំពងលាយ ឡំនិងស្នាមញញឹមរបស់ប្រជាពលរដ្ឋនាពេលនេះ វាជាជោគជ័យរបស់រាជរដ្ឋាភិបាលដែល ដឹកនាំដោយសម្ដេចអគ្គមហាសេនាបតីតេជោ ហ៊ុន សែន ដែលអនុសាសន៍ដ៏ខ្ពង់ខ្ពស់របស់ សម្ដេចបានចង់ប្រែក្លាយតំបន់ជាប់ព្រំដែនដែលធ្លាប់តែជាទីលានប្រយុទ្ធពីអតីតកាល ឲ្យក្លាយ ទៅជាតំបន់មានការអភិវឌ្ឍន៍ ដែលពោពេញទៅដោយសុខដំរមនានិងភាពរុងរឿងលើគ្រប់វិស័យ។ឯកឧត្តមក៏បានផ្ដាំផ្ញើរដល់ក្រុមកីឡាករទាំងអស់បើទោះបីការប្រគួតនេះចាញ់ឬឈ្នះក៏ដោយ តែនេះជាការសបញ្ជាក់ពីការរួមសាមគ្គីគ្នា ឯកភាពគ្នានិងជាការរឹតចំណងមិត្តភាពឲ្យ កាន់តែល្អប្រសើរពីតំបន់មួយទៅតំបន់មួយ។ ជាលទ្ធផលការប្រកួតរយៈពេលបីថ្ងៃជ័យលាភីចំណាត់ថ្នាក់លេខ១បានទៅលើទូកដែលមាន ឈ្នោះថាសម្រែករាជសីបារមីតេជោ របស់អង្គភាពស្នងការនគរបាលខេត្ត លេខ២បាន ទៅលើទូមាន ឈ្មោះថា ព្រះនាងកែវមុន្នីមេខាលាសែនតេជះរបស់អង្គភាពមន្ទីរឧស្សាហកម្ម រ៉ែនិងថាមពលនិងលេខបីបានទៅលើទូកមានឈ្មោះថា សរព្រះរាមរបស់អង្គភាពសាលាខេត្ត ។ក្នុងនោះជ័យលាភីទូកចំណុះ២២នាក់លេខ១ បានទទួលថវិកា ១០០០ដុល្លារនិងពានមួយ ,លេខ២បានទទួលថវិកា៥០០ដុល្លារនិងពានមួយ,លេខបី បានទទួលថវិកា៣០០ដុល្លារនិង ពានមួយនិងរង្វាន់លើកទឹកចិត្តទូកចំណុះ២២ដែលមិនជាប់ចំណាត់ថ្នាក់ចំនួន១៧ទូកទៀតក្នុងមួយទូកទទួល បានថវិកា៥០ម៉ឺនរៀលចំណែកឯទូកចំណុះ៦នាក់ជ័យលាភីលេខ១បាន ទទួលថវិកា៤០ម៉ឺនរៀល,លេខ ២បានទទួលថវិកា៣០ម៉ឺនរៀលនិងលេខបីបានទទួលថវិកា ២០ម៉ឺនរៀលនិងទូកដែលមិនជាប់ចំណាត់ថ្នាក់ចំណុះ៦នាក់ចំនួន៦ទូកក្នុងមួយទូកទទួលបានថវិកា១៥ម៉ឺនរៀលក្នុងនោះកីឡាករអុំទូកចំនួន៦១២នាក់ ក្នុងម្នាក់ៗទទួលបានសារុងមួយផងដែរ។ចំណែកឯទូករបស់ព្រះរាជាណាចក្រថៃចំនួន២ទូកក្នុងមួយទូកទទួលបានពានកិតិ្តយស១,លិខិតសរសើរមួយនិងកន្សែងម្នាក់មួយផងដែរ៕
