ដកស្រង់ពីគេហទំព័រកម្ពុជាថ្មី
ឧត្តរមានជ័យ
៖
ប្រជាពលរដ្ឋបើកគោយន្តកន្ត្រៃដឹកឈើពីព្រៃយកមកធ្វើផ្ទះជាន់
មីនតោនផ្ទុះបណ្ដាលឲ្យរងរបួសធ្ងន់ធ្ងរចំនួន២នាក់និង២នាក់ទៀត
របួសស្រាល
ខណៈពេលគោយន្តកន្ត្រៃដឹកឈើនោះចៀសជាមួយរថយន្តមួយគ្រឿងទៀត។
ឧត្តរមានជ័យ
៖
ប្រជាពលរដ្ឋបើកគោយន្តកន្ត្រៃដឹកឈើពីព្រៃយកមកធ្វើផ្ទះជាន់
មីនតោនផ្ទុះបណ្ដាលឲ្យរងរបួសធ្ងន់ធ្ងរចំនួន២នាក់និង២នាក់ទៀត
របួសស្រាល
ខណៈពេលគោយន្តកន្ត្រៃដឹកឈើនោះចៀសជាមួយរថយន្តមួយគ្រឿងទៀត។
ហេតុការណ៍
នេះបានកើតឡើងកាលពីវេលាម៉ោង៩និង៥នាទីព្រឹកថ្ងៃទី៤ ខែមីនា
ឆ្នាំ២០១៣ នៅចំណុចខាងលិចភូមិទួលចារ
ប្រហែល៤គីឡូម៉ែត្រស្ថិតនៅក្នុងភូមិទួលចារ ឃុំទំនប់ដាច់
ស្រុកត្រពាំងប្រាសាទ ខេត្តឧត្តរមានជ័យ។
លោក
វរសេនីយ៍ត្រី កែវ តាន់
អធិការនគរបាលស្រុកត្រពាំងប្រាសាទឲ្យកម្ពុជាថ្មីដឹងថា
នៅមុនពេលកើតហេតុប្រជាពលរដ្ឋ
បាននាំគ្នាយកគោយន្តទៅដឹកឈើយកមកផ្ទះ
លុះពេលធ្វើដំណើរដល់ចំណុចកើតហេតុ
គោយន្តកន្ត្រៃដែលកំពុងដឹកឈើធ្ងន់ផងនោះ
ក៏បានចៀសជាមួយរថយន្តមួយគ្រឿងទៀត។ ប្រភពបន្តថា
ពេលចៀសនោះស្របពេលដែលមានភ្លៀងមួយមេយ៉ាងធំបណ្ដាលឲ្យដីស្រុតផង
ទើបគោយន្តកន្ត្រៃបើកជាន់មីនតោននោះក៏ផ្ទុះប៉ើងទាំងមនុស្ស
ទាំងឈើពេញផ្លូវតែម្ដង។
លោក
អធិការបន្តទៀតថា មីនទាំងអស់នោះ
គឺសេសសល់តាំងពីសម័យសង្គ្រាមមកម្ល៉េះ
ហើយនៅពេលបច្ចុប្បន្នមីននៅក្នុងស្រុកត្រពាំងប្រសាទយើងនេះសល់
ច្រើនណាស់ ដែលវាកប់នៅក្នុងដីជ្រៅពេក លោករាវរកមិនឃើញ។
បន្តបន្តទៀតថា ប្រជាពលរដ្ឋដែលរងរបួសទាំង៤នាក់នោះទី១. ឈ្មោះ
សំណុម ភេទប្រុស អាយុ៦០ឆ្នាំរស់នៅភូមិទួលចារ ឃុំទំនប់ដាច់
ស្រុកត្រពាំងប្រាសាទ ខេត្តឧត្តរមានជ័យ មុខរបរធ្វើចំការរបួសធ្ងន់
២. ឈ្មោះ សុន ផល ភេទស្រីអាយុ៣៧ឆ្នាំ រស់នៅភូមិឃុំជាមួយគ្នារបួសធ្ងន់ ៣.ឈ្មោះ ពេជ រើន ភេទប្រុស អាយុ៣២ឆ្នាំរស់នៅភូមិឃុំជាមួយគ្នា របួសស្រាល ៤. ឈ្មោះ
ណុំ សាន់ ភេទប្រុស អាយុ១៧ឆ្នាំរស់នៅភូមិឃុំជាមួយគ្នា របួសស្រាល។
អ្នករងរបួសធ្ងន់ចំនួន២នាក់ត្រូវបានបញ្ជូនទៅសង្គ្រោះនៅ
មន្ទីរពេទ្យខេត្តសៀមរាប៕
ចាន់ធី