បងស្រី!
ពាក្យថា”បងស្រី”ពិតជាមានន័យណាស់សម្រាប់ខ្ញុំ។
បងស្រីប្រៀបដូចជាម្តាយ បងថែរក្សាប្អូនៗបងយកចិត្តទុកដាក់បងស្រឡាញ់ថ្នមថ្នាក់ប្អូនគ្រប់ៗគ្នា រាល់ពេលបងតែងបារម្ភចំពោះប្ងូននៅពេលម្តាយមិននៅនៅពេលម្តាយមានបញ្ហាបងតែងជំនួសរាល់ការងារជាម្ដាយបងរ៉ាប់រងការងារទាំងអស់ នៅក្នុងផ្ទះបងស្រី!បងត្រូវផ្អាកការសិក្សាដោយសារតែគ្រួសារដោយសារតែឲ្យប្ងូនៗបានសិក្សាបន្ត
បងធ្វើការហត់នឿយបងស៊ូទ្រាំគ្រប់យ៉ាងដើម្បីប្អូន។នៅពេលបងបានចាកពេញទៅឆ្ងាយពីផ្ទះដើម្បីធ្វើការបងក៏នៅតែបារម្ភពីពួកយើងបងផ្ញើថវិកា ដើម្បីជួយផ្គត់ផ្គង់គ្រួសារ។ នៅពេលបងមានជំងឺ
បងមិនថ្ងូរមួយម៉ាត់ បងឈឺបងទ្រាំបងមិនរអ៊ូទេបងពិបាកណាស់បងក៏នៅតែមិននិយាយអ្វីទាំងអស់។
បងមិនដែលខាននឹងស្រឡាញ់ដល់ប្អូនៗនោះទេគ្រប់បែបយ៉ាងដែលបងបានធ្វើគឺដើម្បីប្អូនដើម្បីគ្រួសារ។ចុះចំណែកប្អូនវិញតើប្អូនបានធ្វើអ្វីខ្លះទៅ?
ប្អូនស្រីមិនដឹងអ្វីទាំងអស់ ប្អូនរអ៊ូដាក់បង ប្អូនស្តីបន្ទោសបងប្អូនប្រើពាក្យសម្ដីមិនគប្បីដាក់បងប្អូនសំឡុតបងប្អូនរអ៊ូរទាំយកតែចិត្តខ្លួនឯងតើមានបានគិតទេថាបងស្រីពិបាកប៉ុណ្ណាទ្រាំប៉ុណ្ណាប្អូនអកតញ្ញូណាស់។ ប្អូនគ្រប់គ្នាមិនដែលបានធ្វើឲ្យបងស្រីសប្បាយចិត្តសោះឡើយប្អូនគ្រប់គ្នាមិនបានយល់នូវអ្វីដែលបងស្រីបានធ្វើកន្លងមកនោះទេ។
ប្អូនធ្វើឲ្យបងពិបាកចិត្តប្អូនធ្វើឲ្យបងឈឺអ្វីកន្លងមកដែលប្អូនបានធ្វើមានតែផ្ដល់ទុក្ខឲ្យបងតែប៉ុណ្ណោះ។
ពេលនេះបងខំប្រឹងធ្វើការបងធ្លាក់ខ្លួនឈឺធ្ងន់បងមិនរអ៊ូទេ
បងឈឺខ្លាំងណាស់មែនទេ?តើបងទ្រាំប៉ុណ្ណា?ប្អូនមិនដែលបានឃើញបងសប្បាយរីករាយស្រស់បស់ដូចជាគេដទៃទៀតសោះហេតុអ្វីក៏បងមិននិយាយ?ខ្ញុំទើបដឹងខ្ញុំពិតជាខុសខ្ញុំខុសណាស់ចំពោះបងស្រីប៉ុន្តែការដែលខ្ញុំដឹងខ្លួនខុសពេលនេះតើមានន័យអ្វីទៅ? បើបងស្រីជាទីស្រឡាញ់របស់ខ្ញុំគាត់ធ្លាក់ខ្លួនឈឺយ៉ាងនេះ
តើខ្ញុំអាចធ្វើអ្វីបាន?។
ឱ!ខ្ញុំអើយខ្ញុំ!ខ្ញុំសែនស្តាយណាស់សែនស្តាយនូវអ្វីដែលខ្លួនបានធ្វើសែនស្ដាយនូវអ្វីដែលបានខុសកន្លងមកទៅលើបងស្រីរបស់ខ្ញុំខ្ញុំមិនគួរនោះទេ
មិនគួរធ្វើបែបនេះឡើយ ហេតុអ្វីទៅ? ហេតុអីក៏ខ្ញុំល្ងង់អ្វីខ្លាំងម្លេះ? បងស្រីពិបាកចិត្ត
បងស្រីឈឺស្គមរីងរៃប៉ុណ្ណឹងហើយនូវមិនដឹងអីទៀត។បងស្រីបងឈឺយ៉ាងនេះ
តើឲ្យប្អូនធ្វើយ៉ាងណាទៅប្អូនមានតែពាក្យថាស្ដាយប្អូនស្ដាយណាស់បងស្រីជាទីស្រឡាញ់ឲ្យប្អូនសុំទោសរាល់កំហុសនិងទង្វើដ៏អាក្រក់កន្លងមក ប្អូននឹងគោរពស្រឡាញ់បងហើយកែប្រែរាល់ចរិតដ៏អាក្រក់នេះចេញ។
សូមឲ្យបងឆាប់ជាសះស្បើយពីជំងឺ។ ប្អូនចង់ប្រាប់ទៅបងស្រីថាប្អូនស្រឡាញ់បងណាស់ បងស្រីដ៏ល្អរបស់ប្អូន។
 |
| ភួន សោភា( ទេសចរណ៍) Email: Souphea.sn@gmail.com |