សត្វមូស

ខ្ញុំបាទនេះណា                        មានព្រះនាមថា

គឺជាសត្វតូច                           ដែលលោកគ្រប់គ្នា

ឈឺចាប់ភ្ញូចៗ                          ព្រោះសត្វកំហូច

ខូចហើរខាំគេ។

មូសមានអីខុស                       ខាំទាំងស្រីប្រុស

ចាស់ហួសដឺឡេ                       ខាំបានខាំទៅ

គ្មានរើសអីទេ                          ជាតិសាសស្រុកគេ

ក៏ខ្ញុំខាំដែរ។

ខ្ញុំមានមេរោគ                         ​​​  រស់នៅស្មុកគ្រោក

ព្រៃភ្នំវាលស្រែ                         គ្មានរើសទីតាំង

ហិចហើឥតល្ហែរ                       ភូមិក្រុងព្រៃស្រែ

ក៏ខ្ញុំនៅបាន។

បើខ្ញុំបានខាំ                            សូមអ្នកជួយចាំ

យូរឆាប់កល្យាណ                     នឹងបានជំងឺ

ជាក់ជាមិនខាន                       សូមការពារប្រាណ

បើអ្នកចង់សុខ។

សូមកុំបន្តោស                         បើរូបខ្ញុំខុស

ខ្ញុំក៏ចង់សុខ                            ចង់ធំចង់ធាត់

ទើបខំត្រុកៗ                           ខាំឈើខាំតុ

ខាំមិនកើតទេ។

ខ្ញុំត្រូវការឈាម                        ត្រូវការក្នុងនាម

រស់ដូចរូបគេ                           គឺត្រូវការរស់

ដូចស្រស់មាសមេ                    ឯងខ្ញុំយើងគេ

ត្រូវការជីវិត៕

ប៉ក់ តុលា(សំណង់ស៊ីវិល)
Email: buktola72@gmail.com

ចតុស្តម្ភ

កវីខ្ញុំបាទសូមថ្លាថ្លែង                        

រៀបរាប់សំដែងពីច្បាប់ក្បួន

នេះជាសំនួនគិតពិចារណា        

ថ្លឹងគិតពិចារណានេះជាតម្រា។

រៀនដើម្បីមានចំនេះដឹង                    

ប្រុសស្រីត្រូវដឹងគិតតម្រា

ត្រូវចេះរៀនសូត្រយកវិជ្ជា         

យើងកុំឃ្មីឃ្មាមិនរៀនសូត្រ។

រៀនដើម្បីមានចំនេះធ្វើ                     

នេះជាទង្វើតជាក្បួន

រៀនធ្វើកាងារនេះជាក្បួន           

រៀនទម្លាប់ខ្លួនទុកឱ្យហើយ។

រៀនដើម្បីរស់នៅសីលធម៏ល្អ              

ពិតជាទង្វើល្អទុកឱ្យច្រើន

ទុកជាច្បាប់ក្បួនតឱ្យច្រើន         

ពិតជាចម្រើនដល់សង្គម។

រៀនដើម្បីរស់នៅជាមួយគ្នា                

នេះជាមាគា៏តជាផ្ដុំ

រៀនអធ្យាស្រ័យគ្នាទៅវិញមក             

កុំរៀនកំហោកដាក់អញឯង៕

ស្រុន សុភី(សំណង់ស៊ីវិល)
Email: Sophysran99@gmail.com

ត្រឹមជានិស្សិត

ត្រឹមជានិស្សិត                យប់ថ្ងៃគេងគិត              

ចេញពីគ្រួសារ                លាពុកលាម៉ែ                

បងប្អូនយាយតា              មិនដឹងថ្ងៃណា

នឹងបានសុខសាន្ដ។

ចិត្តមិនសប្បាយ              ខ្វល់ខ្វាយទាំងឡាយ       

អ្នកណាយល់បាន            អារម្មណ៍មួយនេះ            

លាឃុំក្សេមក្សាន្ដ             ចិត្តយំពេញប្រាណ

អាណិតពុកម៉ែ។

ត្រឹមជានិស្សិត                ស្រុកស្រែឆ្ងាយពិត         

ចិត្តចាំឥតល្ហែ                 ទន្ទេញជាប់មាត់             

យកជ័យមិនប្រែ     ​         វិជ្ជាជាខ្សែ    

សាងជីវិតថ្មី។

ត្រឹមជានិស្សិត                ប្រុសស្រីគួរគិត              

ខិតខំឃ្មាតខ្មី                   ពង្រឹងពុទ្ធិ                      

ចរិយាប្រពៃ                    មុននឹងធ្វើអ្វី 

ត្រូវចេះគ្រោងទុក៕

ស្ងាម ណី(ព័ត៌មានវិទ្យា)
E-mail: sngamsaney88@gmail.com

ស និងខ្មៅ

ពណ៌អើយពណ៌ស                    រូបរាងស្រស់ល្អ              

សសុះស្អាងស្អាត                     សសន្ដិភាព                           

សអស់វៃឆ្លាត                         តែល្ងង់ដូចត្មាត

ក៏សោះពុំដឹង។

សមើលទៅឆ្លុះ                        លាយពណ៌ចម្រុះ           

ស្មោះចិត្តហ្នឹងធឹង                     ស្រស់ស្រាយស្អាតប្លែក            

ប្លែកឆ្នែកមុខឈឹង                     តែខករំពឹង

ស្មានល្អគយគន់។

ខ្លះសល្អល្អាស់                        សល្អពិតណាស់             

ច្បាស់ណាស់ល្អគន់                  សមរូបសមរាង                      

ឆើតស្រស់ល្វិតល្វន់                   ត្រជាក់ទោទន់

នេះសពិតៗ។

ឳអស់ពណ៌ស                         សូមទឹកស្មោះសរ           

គន់ល្អកាយចិត្ត                       កុំល្អតែភ្នែក                           

ត្រេកតែគំនិត                         គួរល្អនិមិត្ម

ល្អជិតសខ្មៅ។

ចំណែកខ្មៅវិញ                        ខ្មៅកុំទោម្នេញ               

ខ្មៅកុំខ្លាចខ្លៅ                          សំបកសកឥត                        

សោះទឹកថ្លាថ្លៅ                        នេះពិតចោមចៅ

សំដៅវិជ្ជា។

ខ្មៅមានប្រយោជន៍                   ដោះដូរបោះបោច           

ហុចហេតុផលជា                     លាយពណ៌ផ្សេងៗ                  

បង្កើតជាទ្វា                            សាងហេតុឲ្យគ្នា

ក្លាយជារឿងថ្មី។

ដូច្នេះសខ្មៅ                            ពាក្យពិតនោះដៅ           

សម្ដៅសម្ដី                             ថាល្អគឺល្អ                             

ថាដីគឺដី                                 ពាក្យពិតនោះន័យ

ម្យ៉ាងម្នាក់ទេតើ!

ណិម សាលី( Management​​ )

E-mail:nemsaly1095@gmail.com