សមាគមនិស្សិតឧត្តរមានជ័យ: ប្រវត្តិសមាគម

ប្រវិត្តរបស់សមាគមនិស្សិតឧត្តរមានជ័យ

ក្នុងកំឡុងឆ្នាំ១៩៦០ អ្នកឧត្តរមានជ័យដែលបានមកស្នាក់នៅទីក្រុងភ្នំពេញ បានបង្កើតសមាគម មួយឈ្មោះថា សមាគមអ្នកឧត្តរមានជ័យ សម្រាប់ផ្តល់កន្លែង ឲ្យនិស្សិតបានស្នាក់នៅបន្តការសិក្សា តែក្រោយមកដោយសារតែប្រទេសវឹកវរនឹងសង្រ្គាម សមាគមអ្នកឧត្តរមានជ័យក៏បានបាត់ឈ្មោះទៅវិញ។ ទោះបីជាសមាគមនេះ បាត់ទៅហើយក្តី ក៏ចាស់ៗនៅតែផ្តល់គំនិត ដើម្បីធើ្វយ៉ាងណាឲ្យអ្នកឧត្តរមានជ័យ ចេះជួយគ្នា សាមគ្គីគ្នាតទៅទៀត។ បន្ទាប់មក ក្រុម និស្សិតអ្នកឧត្តរមានជ័យ បានមកបន្តការសិក្សានៅឧត្តមសិក្សាក្នុងទីក្រុងភ្នំពេញ បានជួបការ លំបាកក្នុងការស្នាក់នៅ ហូបចុក ហើយនិងការសិក្សារបស់សិស្សនិស្សិតមកពីឧត្តរមានជ័យ នូវ មានកំរិត ព្រមទាំងស្រលាញ់ស្រុកកំណើត ហើយថែមទាំងចង់ជួយស្រុកផងនោះ ទើបធ្វើឲ្យ មានការជួបជុំរបស់និស្សិតដែលកំពុងស្នាក់នៅទីក្រុងភ្នំពេញ ដើម្បីពិភាក្សារកដំណោះស្រាយ។ ទន្ទឹមនឹងនោះ ក៏មានកត្តាជំរុញមួយទៀតយ៉ាងខ្លាំងផងដែរ ក៏ព្រោះតែចាស់ជំនាន់មុន តែងតែនិយាយថា ពីជីដូនជីតាមកពួកគាត់តែងតែ ជួយគ្នា និងសាមគ្គីគ្នាជាខ្លាំងនៅក្នុងភូមិ ដើម្បីដោះស្រាយបញ្ហាដែលពួកគាត់ជួបប្រទះ។ ហើយនិស្សិតទាំងអស់បានបង្កើតចេញ ជារូបរាងសមាគមនិស្សិតឧត្តរមានជ័យនេះក្នុងថ្ងែទី០៦ ខែមិថុនា ឆ្នាំ២០០៦ បន្ទាប់ពីបានប្រមូល ផ្តុំនិស្សិតជួបប្រជុំជាច្រើនលើកច្រើនសាតាំងពីចុងខែមីនាឆ្នាំ២០០៦និងទទួលបានលិខិតទទួល ស្គាល់ ពីក្រសួងមហាផៃ្ទនៃប្រទេសកម្ពុជានាថៃ្ងទី២៧ ខែវិច្ឆកា ឆ្នាំ២០០៨ ដែលដឹកនាំដោយ ក្រុមនិស្សិតមកពីខេត្តឧត្តរមានជ័យ កំពុងសិក្សានៅទីក្រុងភ្នំពេញតាមបណ្តាសាកល វិទ្យា ល័យ នានា។

សមាគមនិស្សិតឧត្តរមានជ័យ មានគោលបំណងចូលរួមចំណែកអភិវឌ្ឍន៍ វិស័យអប់រំ សង្គមកិច្ច សុខភាព សុខុមាលភាព របស់ប្រជាពលរដ្ននៅក្នុងតំបន់ផងដែរ។ ដើម្បីឆ្ពោះទៅគោលបំណងខាងលើ សមាគមមានទិសដៅដូចចែងខាងក្រោម៖

១. ផ្តល់ឧបត្ថម្ភសិស្សនិស្សិត ដែលមានកំណើតនៅឧត្តរមានជ័យឲ្យមាន
លទ្ធភាពបន្តការសិក្សាឲ្យខ្ពង់ខ្ពស់

២. ផ្តល់ការគាំទ្រផ្នែកសុខភាពដល់ប្រជាពលរដ្ឋ

៣. ឧបត្ថម្ភ និងផ្តល់ការបណ្តុះបណ្តាលវិជ្ជាជីវៈ សមស្របតាម
សមត្ថភាព តាមសេចក្តីត្រូវការ

៤. ផ្តល់ការគាំទ្រផ្នែកបច្ចេកទេស កសិកម្ម កសិឧស្សាហកម្ម សិប្បកម្ម
និងជួយស្វៃងរកទីផ្សារ

ទស្សនៈវិស័យ

ចូលរួមលើកស្ទួយវិស័យអប់រំនៅតាមមូលដ្ឋាន និងជួយជំរុញសិស្សនិស្សិត
ឲ្យឈានទៅបន្តការសិក្សានៅថ្នាក់ឧត្តម ដែលជាធនធានមនុស្សប្រកបដោយ
ចំណេះដឹង សីលធម៌ ស្មោះត្រង់ និងទំនួសខុសត្រូវ ដើម្បីរួមចំណែកក្នុង
អភិវឌ្ឍខេត្ត ក៏ដូចជាប្រទេសជាតិផងដែរ។

បេសសកម្ម

ផ្តល់នូវការជួយឧបត្ថម្ភដល់និស្សិតដែលមកពីខេត្តឧត្តរមានជ័យ និង
ការបណ្តុះបណ្តាលវិជ្ជាជីវៈដល់ប្រជាពលរដ្ឋនៅតាមមូលដ្ឋានសមស្រប
តាមសម្ថភាព តាមសេចក្តីត្រូវការ និងឲ្យយល់ដឹងពីអត្ថប្រយោជន៍
នៃការអប់រំ