នៅក្នុងប្រទេសកម្ពុជាប្រជាជនមិនសូវមានចំនេះដឹងក្នុងការប្រើប្រាស់ព្រៃឈើអោយសមស្របនោះទេ
ដោយសារតែប្រទេសនេះទើបតែរួចពីសង្រ្គាមដ៏សែនរាំរ៉ៃ
ក៏បានបង្កអោយព្រៃឈើទទួលការបំផ្លាញរហូតមកដល់សព្វថ្ងៃ។ ការបន្តកាប់នៅតែមានជាអនាធិបតេយ្យនេះ
ក៏មកពីការអនុវត្តច្បាប់នៅតែធូរឡុងក្នុងការកំចាត់ដល់ជនខិលខូច
ប៉ុន្តែដោយសារតែលុយគ្រប់គ្រងលើសតិសម្បញ្ជ:របស់មនុស្ស
ព្រមទាំងនៅពេលឥឡូវស្របពេលផលិតផលព្រៃឈើមានតំលៃខ្ពស់ ក៏បានបង្កអោយមានបទល្មើលព្រៃឈើច្រើន
រហូតដល់បុគ្គលមួយចំនួនហ៊ានពុះពារជីវិតចូលលួចកាប់ឈើឆ្លងដែន។
ដោយសារមើលឃើញពីការបំផ្លាញព្រៃដូច្នេះ
ក៏បានលើកឡើងពីប្រភេទដើមឈើម្យ៉ាងដែលនៅសេសសល់ពីការកាប់បំផ្លាញគឺប្រភេទដើមផ្លូ។
ដើម្បីអោយកាន់តែច្បាស់ខ្ញុំនិងរាប់រៀបពីលក្ខណ:របស់វា ដើមផ្លូជាប្រភេទរុក្ខជាតិមានមែកសាខា
មានកំពស់ប្រមាណជា ៤-៥ម៉ែត្រ
ដើមវាមានពណ៌ស
អមទៅដោយស្រកាតូចៗជាច្រើនចំនែកឯស្លឹករបស់វារាងដូចទៅនិងស្លឹកឆ្កែស្រែង
ប៉ុន្តែស្លឹកនេះមានរោមព័ទ្ធនៅជុំវិញប្រៀបបាននិងស្លឹកខ្ញែ
បើសិនជាយើងទៅប៉ះវា វានិងបង្កជាការរមាស់(ស្គៀប)
នៅចំកណ្ដាលស្លឹកមានទ្រនុងមួយដែលយើងតែងហៅថាទងស្លឹកនោះឯង
រីឯឬសបែករយាងគ្មានឬសកែវទេ ប៉ុន្តែមានសភាពរឹងដែលអាចទ្រទ្រង់លំហូរដើមអោយមានលំនឹង
និងការពារបាននៅខ្សល់ព្យុះបក់បោក។ រុក្ខជាតិនេះមានផ្លែច្រើនអនែក
ផ្លែមានរាងស្រដែងដូចជាផ្លែកណ្ដោល ប៉ុន្តែវាមានស្រទាប់ពី ៥-៦។ គ្រប់ស្រទាប់នីមួយៗមានលក្ខណខុសៗគ្នា:
ស្រទាប់ទី១ជាស្រទាប់ដំបូងគេបង្អស់មានរោមសៗនៅពីលើនិងមានសភាពរាងរឹងបន្តិចពិបាកញ៉ាំ។
ចំនែកស្រទាប់បន្ទាប់មកទៀតមានសភាពពណ៌ដូចត្រួយដេចងាយនិងបរិភោពស្រទាប់ក្រោមៗទៀតមានលក្ខណៈដូចនិងទី២ដែរ
ផ្លែមានរស់ជាតិជូរអែមៗ។ នៅចំកណ្ដាលផ្លែទាំងមូលមានមណ្ឌលមួយសំរាប់ការពារគ្រាប់ដែលមានពណ៌ក្រហម
និងស្រកីនៅសងខាងពណ៌ខ្មៅៗ
នៅក្នុងប្រអប់មានគ្រាប់តូចៗពណ៌ខ្មៅៗជាច្រើន
នៅក្នុងប្រអប់ក៏មានទឹកម្យ៉ាង សសៃស្អិតដូចទឹកមាត់ យ៉ាងណាមិញ
ការបង្កកំនើតរបស់វាគឺវាដុះចេញពីគ្រាប់។ ដូច្នេះរុក្ខជាតិនេះមានអត្ថប្រយោជន៍
ត្រង់ថាវាអាចផ្ដល់ម្លប់សំរាប់ជ្រក និងយកផ្លែមកបរិភោគ
ចំនែកដើមយើងអាចយកមកធ្វើជាអុសដុតបានទៀតផង
ហើយនឹងមួយផ្នែកទៀតក្នុងចំណែកណាមួយក្នុងដើមឈើនេះ
ត្រូវបានគេយកផ្សំធ្វើជាថ្នាំខ្មែរកែរោគនានាផងដែរ៕៚
បូ វិណៃ (សេដ្ឋកិច្ច និង អភិវឌ្ឍន៍ជនបទ) bovinai.omc@gmail.com |