កាលកូនក្នុងផ្ទៃ ម្ដាយថ្មមកូនថ្លៃ
ប្រៀបដូចនេត្រា លំបាកខ្លាំងណាស់
ឈឺចាប់ខ្លោចផ្សារ ដើម្បីរក្សា
ជីវាកូនស្ងួន
។
៩ខែ១០ថ្ងៃ ម្ដាយឈឺស្ទើក្ស័យ
ព្រោះពរពោះកូន ស៊ីអត់ស៊ីឃ្លាន
ជីវិតស្ទើសូន្យ ខំធ្វើជាក្បូន
ចំលងកូនថ្លៃ ។
ពេលកូនកើតមក អ្នកម្ដាយពន្លក
រកថ្នាំប្រពៃ មកការពារខ្លួន
ឲ្យបានថ្លារថ្លៃរ នោះផុតទុក្ខភ័យ
សុខភាពមាំមួន ។
រូបកាយស្គមស្គាំ ទឹកមុខស្លេកស្លាំង
ព្រោះតែកូនស្ងួន ធ្វើបាបរូបម្ដាយ
ដែលខំថែថួន ម្ដាយស្ទើស្លាប់ខ្លួន
ព្រោះតែខ្មីខ្មាត
។
បបរសថ្លារ អ្នកម្ដាយខំហារ
ហូបយកជីជាតិ ឲ្យមានកម្លាំង
មើលថែកូនទៀត ពេលខ្លះខំឆ្លៀត
បិទភ្នែកសម្រាក់
។
ពេលកូនដឹងក្ដី ចំរើនប្រពៃ
ម្ដាយរឹតលំបាក ព្រោះកូនធំមក
ម្ដាយត្រូវថ្នមថ្នាក់ ខ្លួនមិនសម្រាក
ព្រោះតែកូនពៅ
។
ម្ដាយចាស់ណាស់ហើយ កូនកុំកន្តើយ
មើលថែគាត់ទៅ កាលកូននៅក្មេង
គាត់មិនដែលនៅ រក្សាប្រដៅ
ឲ្យបានថ្លារថ្លៃរ
។
ពេលនេះម្ដាយចាស់ ម្ដាយសុំប្រវះ
ឲ្យកូនសងដៃ មើលថែម្ដាយវិញ
បំពេញតម្លៃ ឲ្យម្ដាយស្រាលដៃ
គ្រាន់បានលំហែរ
។
ម្ដាយសុំអង្វរ កូនថ្លៃបវរ
កូនឆាប់កែប្រែ បីបាច់ម្ដាយស្ងួន
ឲ្យគាត់បង្វែ វិលជិតចូលក្បែរ
វត្តវ៉ាធម៍អារ៍
។
ព្រោះរូបអ្នកម្ដាយ ត្រូវបានឃ្លាតឆ្ងាយ
អស់យូរវស្សា ពេលនេះម្ដាយសុំ
កូនត្រូវស្រវ៉ា ឲ្យលោករក្សា
ធម៍អារ៍ក្នុងខ្លួន
។
គាត់មិនសុំអ្វី ក្រៅពីសម្ដី
ឬកពារសមសួន មើលថែខ្លួនឯង
កុំក្លែងបំពួន ត្រូវរក្សាខ្លួន
ឲ្យល្អកន្លង ។
ឲ្យចេះស្រលាញ់ បីបមខ្នក់ខ្នាញ់
គោរពប្អូនបង ជួយទុក្ខធុរៈ
ឲ្យល្អកន្លង ដើម្បីចំលង
ញាតិឲ្យដល់ត្រើយ
។
ឲ្យកូនមានបាន រក្សាកុំខាន
ប៉ុណ្ណឹងល្អហើយ គាត់និងបានសុខ
បើមិនកន្តើយ គាត់ក៏បានស្បើយ
សុខសាន្តមានហោង...
៕
ស្ងាម ក្រឹម