នៅក្នុងប្រទេសកម្ពុជា
ប្រជាជនភាគច្រើនប្រកបរបរធ្វើស្រែចម្ការដែលពឹងផ្អែកលើកម្លាំងសត្វគោនិងក្របី។
នៅតាមផ្ទះពួកគាត់សត្វផ្សេងៗជាច្រើន
ដែលសត្វទាំងនោះសុទ្ធសឹងតែជាសត្វមានតម្លៃមិនអាចគណនាបានឡើយ
ពេលព្រឹកព្រហាមស្រាងៗនៅតាមភូមិនីមួយៗ
លឺតែសំឡេងសត្វគោរោទ៍
និងមាន់រងាវដែលធ្វើអោយអ្នកស្រុកអ្នកភូមិភ្ញាក់ពីដំណេកគ្រប់គ្នា
ដើម្បីរៀបចំខ្លួនចេញទៅធ្វើការតាមជំនាញរបស់ខ្លួន
ប៉ុន្តែពួកគាត់ទាំងនោះជាកសិករធ្វើស្រែចិញ្ចឹមគ្រួសារនៅពេលរដូវវស្សាអ្នកភូមិរងចាំទឹកភ្លៀងបង្អោរធ្លាក់លើផែនពសុធា
ដែលធ្វើអោយពួកគេងាយភ្ជួរស្រែ
ប្រជាជនរៀបចំសម្ភារដូចជា
នង្គ័ល រនាស់ គោ ក្របី
ចំណែកស្រីៗទុកដាក់អង្ករបម្រុងទុកមួយរដូវធ្វើស្រែ
នៅពេលប្រទេសទទួលបានសុខសន្តិភាពប្រជាជននាំគ្នាចិញ្ចឹមគោច្រើនដើម្បីយកទៅលក់និងយកប្រើប្រាស់។
គោគឺជាយានជំនិះមួយ
ដែលធ្វើឲ្យប្រជាពលរដ្ឋមានជីវភាពធូរស្រាលក្នុងការដឹកជញ្ជូននៅក្នុងសម័យប្រទេសជួបការលំបាក។
មិនតែប៉ុណ្ណោះ
ទោះបីមនុស្សប្រើយ៉ាងណាក៏ដោយមិនដែលទួញយំ
ឬធ្វើទុក្ខបុកម្នេញអ្វីឡើយ
យ៉ាងណាមិញដំណើរជិតឆ្ងាយគោខំប្រឹងអូសទាញឲ្យដល់ទិសដៅ
តែបែរជាមនុស្សគ្មានចិត្តមេត្តាគិតតែវាយដំដូចខ្ញុំបម្រើ
ពួកឈ្មួញអាក្រក់យកគោទៅឆ្អើរដូចបាននិងនំ។
គោលើកជើងបង្គំសុំអង្វរទេវតាអស់ដល់ព្រហ្មដែលចេះប្រោះសត្វកើតមានលើលោក។
នៅពេលគេទិញ
គេខ្លុះ គេចាក់
គេដឹកវាយបញ្ចូលក្នុងទ្រុង
យកទៅវាយដើម្បីបំពេញក្រពះមនុស្សគ្មានត្រាប្រណី
ទឹកភ្នែកគោស្រក់អាសូរខ្លួនពេក
គេបានស៊ីឆ្អែតភ្លេចអស់នៅសត្វមានគុណជួយអូសទាញភ្ជួរដីរាប់ហិតា
គោខំប្រឹងទាញកណ្ដាលថ្ងៃក្ដៅ
ខ្លួនត្រូវរំពត់មិនដែរសៅហ្មងឬ
គុំគួនឡើយ
ជាងនេះទៅទៀតកាលណាអស់ចំនីមិនដែរហាស្ដីថាឃ្លានណាស់
ខំប្រឹងត្រដរស្វែងអាហារតាមដំណើរជិតឆ្ងាយឲ្យតែបានឆ្អែត។
នៅពេលរដូវប្រាំងទឹករីងស្ងួតហួតរាំងអស់ពីបឹង
ឬថ្លុក វាលស្មៅត្រូវងាប់
ជំងឺរាតត្បាតសត្វគោសង្វាតគ្មានអ្វីផ្ទឹម
ខ្លះត្រូវរងគ្រោះដល់ស្លាប់។
កើតមកសត្វកម្មអ្វីក៏កម្មក្នុងមួយជីវិត
រស់នៅមិនសុខក្នុងលោកីយ៍
តែដល់សព្វថ្ងៃគោមាននិស្ស័យស្រាកល្ហែខ្លះពីការភ្ជួរស្រែ
ប្រែមកពីការត្អូញត្អែរពីការបាត់ពូជ
ពីមុនមានគ្នាកងរំពងហូរហែមានហ្វូងអើងកងពេកក្រៃ។
ខេត្តឧត្តរមានជ័យសព្វថ្ងៃ
នៅពេលខ្ញុំត្រលប់ទៅផ្ទះម្ដងៗពេលព្រឹក
ល្ងាច យប់លឺតែសំលេងគោយន្ត
ស្ទើរតែគ្រប់លំនៅដ្ឋានអ្នកប្រកបរបរជាអ្នកធ្វើស្រែចម្ការ
អ្នកស្រុកខ្លះត្អូញត្អែរថាពេលប្រើគោ
តែងមានលុយសល់ទុកឲ្យកូន
តែពេលប្រើយន្តប្រែជាបែកញើសរាល់ថ្ងៃដោយសារតែខំប្រឹងប្រែងរកលុយបំពេញក្រពះយន្ត
គោមានប្រយោជន៍មួយទៀត
គឺអាចម៍វាអាចយកទៅធ្វើជីដាក់ដំណាំគ្រប់ប្រភេទអោយរីកលូតលាស់ល្អ
ចំនែកស្បែករបស់វាអាចយកធ្វើជាស្គរនិងព្រ័ត្រ។
ឃើញថានៅក្នុងឧត្តរមានជ័យសព្វថ្ងៃស្ទើរតែបាត់បង់គោអស់ទៅហើយ
គ្មានអ្នកណាចិញ្ចឹមឡើយ
ព្រោះគ្មានកន្លែងសម្រាប់ឃ្វាលឬ
ចងក្នុងរដូវវស្សា
ព្រោះតែប្រជាជនយកដីធ្វើចម្ការអស់៕៚
បូ វិណៃ