សមាគមនិស្សិតឧត្តរមានជ័យ: សមាគមនិស្សិតឧត្តរមានជ័យនាំយកថវិកាពីសប្បុរសទៅជូនក្រុមគ្រួសារកញ្ញា ហោន ចន្រ្ទា

ថវិកាពីវិទ្យុខ្មែរពិភពលោកចំនួន១០០០ដុល្លារអាមេរិក

ថវិកាពីប្រទេសបារាំងតាមរយៈលោកអ៊ំ មាន កប ចំនួន១៥០ដុល្លារអាមេរិក

ថវិកាពីសមាគមនិស្សិតឧត្តរមានជ័យចំនួន៥០ដុល្លារអាមេរិក

កាលពីថ្ងៃទី១៥ ខែមិថុនា ឆ្នាំ២០១២ ខ្ញុំបាទអ៊ិន សូដា និង សមាជិកសមាគមម្នាក់នាំយកថវិកាដែលទទួលបានលោកតា ឱក សឿម ប្រធានវិទ្យុខ្មែរពិភពលោក ទៅជូនក្រុមគ្រួសារកញ្ញា ហោន ចន្រ្ទា ក្នុងភូមិតានេស ឃុំគោកមន ស្រុកបន្ទាយអំពិល ខេត្តឧត្តរមានជ័យ ដែលមានទឹកប្រាក់ចំនួន ១០០០ដុល្លារអាមេរិក។ ក្នុងកំឡុងពេលដែល ប្រគល់ថវិកាជូនទៅក្រុមគ្រួសារកញ្ញា ហោន ចន្រ្ទា លោកអ៊ំ វ៉ែន សំអាត ត្រូវជាម្ដាយមានបាននិយាយពីក្តីអាណិតស្រឡាញ់កូន ព្រមទាំងបានរៀបរាប់ ពីការថែទាំ និងឆន្ទៈរបស់កញ្ញាដែលនៅមិនទាន់បានលោកចាកលោកទៅថា កូនរបស់គាត់ស្រឡាញ់ការសិក្សាណាស់ ទោះត្រូវបែកពីម្ដាយក៏ដោយ កូននៅតែតស៊ូ ដើម្បីបានជួយក្រុមគ្រួសារ នៅពេលអនាគត និងជួយប្រទេសជាតិ។ អ្វីដែលអ៊ំស្រីមិនអានបំភ្លេចបាន គឺគាត់បាននឹកឃើញរង្វង់ដៃរបស់កូនអោបថើបគាត់ នៅពេលដែលកូនមកលេងផ្ទះម្ដងៗ។ ចំណែកឯ លោកអ៊ំ ហោន ហង្ស ត្រូវជាឪពុកវិញ ក៏មិនខុសពីម្ដាយរបស់កញ្ញាដែរ ជាពិសេសគាត់បានរំលឹកថា មុនពេលកញ្ញា ហោន ចន្រ្ទា លាកចាកលោកទៅ កញ្ញាមានបំណងជួយឧបត្ថម្ភលោកឪពុក ក្នុងមួយខែ ១០ម៉ឺនរៀល តែមិនទាន់បានឆ្លើយប្រាប់កូនវិញថាត្រូវទទួល ឬ អត់ផង ស្រាប់តែកូនឃ្លាតឆ្ងាយដោយមិនអាចវិលវិញ។ នៅថ្ងៃទី២៥ និង ២៦ ខែមិថុនា ជាថ្ងៃដែលក្រុមគ្រួសារកញ្ញា ធ្វើបុណ្យខួបគំរប់១០០ថ្ងៃ។

ចំពោះជីដូនកញ្ញា ហោន ចន្រ្ទា វិញដែលស្រឡាញ់ចៅ នៅពេលដែលបានទទួលដំណឹងថា ចន្រ្ទាបានលាចាកលោកនេះទៅហើយ គាត់ចាប់ផ្ដើមវង្វេង លែងនិយាយស្ដី ហើយនៅពេលដែលគាត់ និយាយស្ដីវិញ គាត់តែងតែហៅរកឈ្មោះចៅស្រីរបស់គាត់ ដែលកាលពីមុនគាត់ជាមនុស្សមានសភាពធម្មតាទេ។

ឆ្លៀតក្នុងពេលដែលនាំយកថវិកាដែលបានទទួលពីលោកប្រធានវិទ្យុខ្មែរពិភពលោក ក៏បានយកថវិកាដែលបានទទួលពី បងប្អូនខ្មែរនៅប្រទេសបារាំង តាមរយៈលោកអ៊ំ មាន កប ចំនួន ១៥០ដុល្លារ និងថវិកាផ្ទាល់របស់សមាគមនិស្សិតឧត្តរមានជ័យ ចំនួន៥០ដុល្លារ ទៅជូនក្រុមគ្រួសារកញ្ញា ហោន ចន្រ្ទា ផងដែរ។ សរុបថវិកាដែលប្រគល់ជូនក្រុមគ្រួសារកញ្ញា ចន្រ្ទា ចំនួន ១២០០ដុល្លារអាមេរិក។

លោកអ៊ំ ហោន ហង្ស និង អ៊ំស្រី វ៉ែន សំអាត ក៏មិនភ្លេចនៅថ្លែងអំណរគុណ ចំពោះសប្បុរសជនទាំងអស់ដែលនៅ បារាំង កាណាដា អូស្ត្រាលី សហរដ្ឋអាមេរិក....... បានចូលរួមរំលែកទុក្ខ និងបានឧបត្ថម្ភជាថវិកាដល់ក្រុមគ្រួសារគាត់ និងសូមជូនពរ លោក លោកស្រីទាំងអស់ជួបតែសេចក្តីសុខ ព្រមទាំងរកទទួលទានមានបានគ្រប់ៗគ្នា៕៚

Tuesday, June 26, 2012

សមាគមនិស្សិត​ឧត្តរមានជ័យ​នាំ​យក​ថវិកា​ពី​សប្បុរសទៅ​ជូន​ក្រុមគ្រួសារ​កញ្ញា ហោន​ ចន្រ្ទា

សមាគមនិស្សិតឧត្តរមានជ័យនាំយកថវិកាពីសប្បុរសទៅជូនក្រុមគ្រួសារកញ្ញា ហោន ចន្រ្ទា