 | ||
| ប៉ក់ បារាំង Pork Barang (porkbarang@yahoo.com) |
ថ្ងៃចូលឆ្នាំខ្មែរជិតឈានមកដល់
វាបានធ្វើអោយខ្ញុំមានការសប្បាយចិត្តយ៉ាងខ្លាំងព្រោះជិតដល់ថ្ងៃដែលត្រឡប់ទៅលេងផ្ទះ
និងជួបជុំគ្រួសារ បងប្អូន
ពូមីង រួមទាំងមិត្តភ័ក្តដែលពួកគេខ្លះរស់នៅក្នុងស្រុក
និងខ្លះទៀតរស់នៅតាមបណ្តាខេត្តដើម្បីរកស៊ីចិញ្ចឹមជីវិត
និង
បន្តរការសិក្សាតាមបណ្តាខេត្តក្រុងមួយចំនួនដែលពួកគេនិងមកជួបជុំគ្នាក្នុងបុណ្យចូលឆ្នាំខ្មែរខាងមុខនេះដែរពីព្រោះវាជាពេលវេលាដែលខ្ញុំរងចាំពីព្រោះតែនឹកផ្ទះ
ជាពិសេសគឺនឹកឪពុកម្តាយរបស់ខ្ញុំ។
ដែលមុនពេលចេញដំនើរខ្ញុំបានគិតថានៅពេលជួបជុំមិត្តទាំងនោះខ្ញុំនិង
សាកសួរសុខទុកពួកគេ
និងសួរពីដំណើរការសិក្សាក៏ដូចជា
សុខភាពនិងភាពរីកចំរើនរបស់ពួកគេផងហើយនិងនាំគ្នាលលេងល្បែងៗផ្សេងៗនិងដំណើរកំសាន្តជាក្រុមទាំងអស់គ្នាធ្វើអ្វីៗដែរល្អហើយសប្បាយទាំងអស់គ្នា
ក្នុងពីធីបុណ្យចូលឆ្នាំខ្មែរនោះ។
ថ្ងៃចេញដំណើរបានមកដល់
ខ្ញុំមានចិត្តត្រេកអរណាស់ក៏បានរៀបចំចេញដំណើរ
ដែរការធ្វើដំណើរនេះខ្ញុំមិនបានទៅផ្ទះតែម្តងនោះទេគឺខ្ញុំត្រូវទៅសួរសុខទុក្ខមិត្តល្អរបស់ខ្ញុំម្នាក់ដែលគេរៀននៅសៀមរាប
គាត់ឈ្មោះដារាហើយនៅពេលទៅដល់ទីនោះខ្ញុំក៏បានជួបគេដែលគេបានមកទទួលខ្ញុំនៅចំណតឡានហើយគេក៏បាននាំខ្ញុំទៅបន្ទប់ជួលស្នាក់នៅរបស់គេ ហើយពួកយើងក៏បានសាកសួរគ្នាទៅវិញទៅមកអំពីសុខទុក្ខក៏ដូចជាការរីកចំរើនផ្សេងៗ
និងស្ថានភាពលំបាកអ្វីខ្លះដែលបានមកស្នាក់នៅនិងបន្តរការសិក្សានៅទីនេះ។
ក្រោយពីស្នាក់នៅជាមួយដារាអស់រយៈពេលមួយយប់
ខ្ញុំក៏បានបន្តរដំណើរទៅស្រុករបស់ខ្ញុំទៀតគឺស្រុកចុងកាល់
ខេត្តឧត្តរមានជ័យ
ដោយដារាគាត់ពុំទាន់ទៅទេ
ព្រោះសាលាគេមិនទាន់អនុញ្ញាតិ
អោយឈប់សំរាកនៅឡើយនៅពេលដែលខ្ញុំចេញដំនើរបន្តរទៅស្រុកនោះខ្ញុំបានជិះឡានកាមរីឈ្នួលមួយក៏ដេកមួយស្របក
ស្រាប់តែនៅពេលខ្ញុំភ្ងាក់ពីដេកវិញ
ក៏ស្រាប់តែឃើញថាដល់ស្រុករបស់ខ្ញុំទៅហើយដោយគិតស្មានមិនដល់ថាលឿនបែបនេះសោះ
នេះក៏ព្រោះតែឃើញថាផ្លូវធ្វើរួចល្អ
មិនដូចពីមុនដែលត្រូវប្រើពេលវេលាយូរក្នុងការធ្វើដំណើរម្ដងៗ។
នៅពេលទៅដល់ផ្ទះជួបជុំគ្រួសាររបស់ខ្ញុំយ៉ាងសុខសប្បាយ
ប៉ុន្តែខ្ញុំសែនខ្មាស់ពួកគាត់ណាស់
ព្រោះ
រវល់តែដេកភ្លេចទិញអ្វីៗទៅផ្ញើរគាត់។
នៅពេលជួបជុំគ្រួសារពិសារបាយរួមគ្នាវាបានធ្វើអោយខ្ញុំមានអារម្មណ៏ថាទទួលបានភាពកក់ក្តៅខ្លាំងណាស់
ហើយគិតថា នេះហើយជាសុភមង្គលរបស់ខ្ញុំ។
កុំតែដើម្បីការសិក្សា
កុំអីខ្ញុំមិនចាកចេញពីពួកគាត់និងបងប្អូនរបស់ខ្ញុំឡើយ។
នៅពេលទៅដល់ផ្ទះពីទៅបីថ្ងៃ
មិត្តភ័ក្តរបស់ខ្ញុំក៏បានមកដល់ផ្ទះជាបន្តបន្ទាប់
ហើយពួកយើងក៏បានមកជួបគ្នា
ហើយសាកសួរសុខទុកគ្នាទៅវិញទៅមកនិងការសិក្សារបស់គ្នាទៅវិញទៅមក
តែនៅមិនទាន់អស់គ្នានៅឡើយ។
មិនយូរប៉ុន្មានពួកគេក៏បានមកដល់គ្រប់ៗគ្នា
។ ថ្ងៃចូលឆ្នាំខ្មែរជិតឈានចូលមកដល់
ប្រជាជនក្នុងស្រុកមើលទៅហាក់ដូចជារវល់ខ្លាំងណាស់
ដោយពួកគេត្រូវរៀបចំផ្ទះ
និងទិញរបស់របរផ្សេងៗសំរាប់ថ្វាយទេវតាឆ្នាំថ្មី
ផ្ទះរបស់ខ្ញុំក៏ដូចជាផ្ទះអ្នកផ្សេងៗផងដែរ។
ឪពុកម្តាយខ្ញុំនិងខ្ញុំបានរៀបចំក៏ដូចជាទិញគ្រឿងដង្វាយផ្សេងៗ
និងរបស់ល្អៗសំរាប់បុណ្យចូលឆ្នាំប្រពៃណីជាតិដ៏ធំមួយនេះ។
នៅពេលបុណ្យចូលឆ្នាំបានមកដល់
ឃើញថាគ្រប់ផ្ទះទាំងអស់គេរៀបចំបានយ៉ាងល្អដោយមានគ្រឿងដង្វាយគ្រប់មុខមានផ្លែឈើពីទៅបីមុខរឺច្រើនមានទឹកក្រូចមានទឹកដបអមជាមួយផ្កាយ៉ាងល្អចំរុះពណ៌ជាច្រើនមុខ
និងគ្រឿងផ្សេងៗតាមលទ្ធិភាពគ្រួសារ
ហើយគេរៀបចំភ្លើងអំពូលតូចៗចំរុះពណ៌សំរាប់ពេលយប់
ដែលនៅពេលយប់យើងមើលទៅឃើញពន្លឺភ្លឺភ្លើបភ្លែកៗនៅគ្រប់ផ្ទះដែលរចនាតាមចំណងចំនូលចិត្តរបស់គេនីមួយៗដែលមើលទៅភ្លឺយ៉ាងល្អស្អាតគ្រប់ផ្ទះ។
ជាការពិតណាស់បំណងរបស់ប្រជាជនក្នុងការរៀបចំបែបនេះក្នុងបុណ្យចូលឆ្នាំថ្មីគឺគ្មានអ្វីក្រៅអំពី
សុំពជ័យ សេរីសួរស្តីរ
ពីទេវតាឆ្នាំថ្មីអោយបាន
សេចក្តីសុខសប្បាយ
ចំរុងចំរើន ជួបជុំគ្រួសារ
រកស៊ីទទួលទានមានបាន
សមប្រកបរាល់ការងារ
និងកុំអោយឧបទ្រប់ចង្រៃមកបៀតបៀងបានឡើយ
។
ពេលវេលាបុណ្យចូលឆ្នាំនេះគឺជាពេលវេលាដែលមនុស្សគ្រប់ៗគ្នាសប្បាយរីករាយ
ព្រោះវាជាពេលជួបជុំក្រុមគ្រួសារ
ទាំងអស់គ្នាដែលពួកគេបានត្រឡប់មកស្រុកកំនើតវិញដែលធ្វើអោយក្នុងស្រុកមានសភាពអ៊ូអរយ៉ាងកុះក។
ចំណែកឯឪពុកម្តាយរបស់ខ្ញុំគាត់មិនបានទៅណានោះទេ
គាត់នៅផ្ទះជួបជុំបងប្អូនតាមបែបមនុស្សចាស់ទុំ។
ចំនែកឯខ្ញុំនិងមិត្តរបស់ខ្ញុំយើងបានមកជួបជុំគ្នាទាំងអស់ហើយយើងក៏បាននាំគ្នារៀបចំធ្វើអាហារបរិភោគទាំងអស់គ្នាយ៉ាងសប្បាយរីករាយ។
នៅថ្ងៃខ្លះមិត្តរបស់ខ្ញុំគេបានរៀបចំជប់លេងនៅផ្ទះរបស់គេរួចគេក៏បានបបួលមិត្តទាំងអស់ទៅជួបជុំគ្នានៅផ្ទះរបស់គេដើម្បីអោយមានភាពអ៊ូអរក្នុងបុណ្យចូលឆ្នាំនេះ។
បន្ទាប់ពីការជប់លៀងទាំងនោះពួកយើងក៏បាននាំគ្នាលេងល្បែងប្រជាប្រិយខ្មែរមួយចំនួនផងដែរ
ដែលល្បែងដែលពួកយើងបានលេងមានដូចជាចោលឈូងទាញព្រ័ទ្ធ
បោះអង្គញ់លេងលាក់កន្សែង
ដណ្តើមស្លឹកឈើ
យ៉ាងសប្បាយរីករាយទាំងអស់គ្នា
ហើយពួកយើងតែងតែប្តូរលេងល្បែងមួយទៅល្បែងមួយដើម្បីអោយបរិយាកាសកាន់តែសប្បាយរីករាយ។
ហើយបន្ទាប់មកទៀតពួកយើងបានមកបបួលគ្នា
ទៅជួបជុំគ្នានៅស្ទឹងដើម្បីដឹកខ្សាច់មកដាក់ក្នុងវត្តសំរាប់កសាងភ្នំខ្សាច់
សំរាប់ស្រង់ព្រះនៅថ្ងៃបន្ទាប់។
ជាការពិតណាស់នៅពេលជុំគ្នាយើងសហការធ្វើការរួមគ្នាវាបានធ្វើអោយពួកយើងមានការសប្បាយខ្លាំងណាស់
ព្រោះពួកយើងមិនងាយបានជួបគ្នាទេមានតែពេលនេះទេដែលពួកយើងមានឪកាសបានជួបជុំគ្នា។
នៅពេលមុនថ្ងៃស្រង់ព្រះមួយថ្ងៃពួកខ្ញុំនិង
មនុស្សម្នាជាច្រើនបានមកជួបជុំគ្នានៅវត្តដើម្បីរៀបចំកសាងភ្នំខ្សាច់
ពេលនោះមនុស្សទាំងអស់គ្នាក៏បានរៀបចំកសាងដោយមានភ្នំធំមួយនៅកណ្តាលភ្នំបួននៅព័ទ្ធជុំវិញ
ដោយមានលំអរដោយផ្កាយ៉ាងច្រើន
មើលទៅទឹកមុខរបស់ពួកគេ
ញញឹមគ្រប់ៗគ្នាហើយនាំគ្នាពួនភ្នំយ៉ាងសប្បាយរីករាយមិនយូរប៉ុន្មានភ្នំខ្សាច់ក៏បានកសាងរួច
ដោយមើលទៅយ៉ាងល្អស្អាតដោយមានលំអរដោយផ្កាភ្ញីជាច្រើនទៀតផងដែលមើលទៅគួរអោយចងគយគន់ណាស់
ហើយមនុស្សមួយចំនួនក៏បានថតរូបទុកជាអនុស្សាវរីយ៏ទៀតផង។
នៅពេលថ្ងៃស្រង់ព្រះបានមកដល់មនុស្សជាច្រើនរួមជាមួយពួកខ្ញុំផងក៏បានរៀបចំទឹកដាក់ក្នុងធុងរួចបេះផ្កាដាក់និងដាក់ម្សៅអោយក្រអូបសំរាប់យកទៅវត្តដើម្បីយកទៅប្រគេនព្រះសង្ឃដើម្បីសូត្រមន្តនិងស្រង់ព្រះបដិមានៅក្នុងវត្ត
បន្ទាប់ពីស្រង់ព្រះនៅវត្តហើយគេក៏យកទឹកមន្តនោះមកផឹក
ងូត និង
ប្រោះរបស់របរមានតំលៃផ្សេងៗមានដូចជា
ឡាន ម៉ូតូ គ្រឿងសង្ហារឹម
និងសំភារៈមានតំលៃមួយចំនួនទៀត
ដើម្បីជំរុះនៅអ្វីដែលចាស់
ទទួលនៅសេរីសួស្តីរ និង
សំណាងទាំងឡាយក្នុងឆ្នាំថ្មីនេះ។
នៅពេលបុណ្យចូលឆ្នាំបានបញ្ចប់
ខ្ញុំនិងមិត្តខ្ញុំក៏បាននៅផ្ទះរៀងៗខ្លួន
ហើយពួកយើងនៅតែមានការសោកស្តាយពេលវេលាជួបជុំគ្នា
នឹងក្នុងរយៈពេលខ្លីបែបនេះសោះ
ព្រោះតែត្រូវបែកគ្នាហើយព្រោះសាលាជិតដល់ថ្ងៃចូលរៀន
ហើយជាពិសេសត្រូវបែកពីគ្រួសារ
និងអ្នកមានគុណទាំងពីរ។
មិនយូរប៉ុន្មានថ្ងៃបែកគ្នាក៏បានមកដល់
ពួកយើងត្រូវបែកគ្នាទៅបណ្តាខេត្តដែលយើងត្រូវបន្តការសិក្សា
ហើយពួកយើងក៏បានមកជួបគ្នាដើម្បីលាគ្នាក៏ដូចជាជូនពរអោយមានសុខភាពល្អ
និងសំរេចនៅគោលបំណងរៀងៗខ្លួន
ដែលសង្ឃឹមថានិងបានមកជួបជុំគ្នានៅថ្ងៃបុណ្យចូលឆ្នាំប្រពៃ
ណីជាតិយើងនៅឆ្នាំក្រោយៗទៀត៕៚