ដោយ ៖ ព្រាប១
ថ្ងៃទី 07-04-2012 ម៉ោង 15:49:29
ខេត្ដឧត្ដរមានជ័យ ៖ អាជ្ញាធរខេត្ដ ឧត្ដរមានជ័យកាលពីព្រឹកថ្ងៃសុក្រ ទី៦ ខែមេសា ឆ្នាំ២០១២ បាននិមន្ដព្រះសង្ឃ៩អង្គ មកពីវត្ដផ្សេងៗក្នុងក្រុងសំរោង ដើម្បីសូត្រមន្ដកម្ចាត់ឧបទ្រពចង្រៃដែល តែងកើតមានឡើងនៅពេលប្រជាពល រដ្ឋខ្មែរយើងធ្វើដំណើរនៅលើស្ពានម្ដងៗ។
ករណីនេះហើយ ធ្វើឱ្យប្រជាពលរដ្ឋខ្មែរ ដែលកាន់ព្រះពុទ្ធសាសនាតែងតែមាន ជំនឿទៅលើបុណ្យបារមីផ្សេងៗដែល ថែរក្សានៅលើស្ពាននេះ ទើបអាជ្ញា ធរខេត្ដនិមន្ដព្រះសង្ឃមកសូត្រមន្ដបង្សុ កូល និងអង្វរករ កុំឱ្យខ្មោចព្រាយបិសាច ឬអ្នកមានបារមីទាំងនោះឆក់យកជីវិត ប្រជាពលរដ្ឋខ្មែរតទៅទៀតចាប់តាំងពី ពេលនេះ និងទៅអនាគត ។ ក្នុងនោះក៏ បានបួងសួងសូមឱ្យអ្នកដែលរងគ្រោះ ស្លាប់នៅលើស្ពាននេះឆាប់បានទៅចាប់ ជាតិថ្មី និងតាមជួយថែរក្សាប្រជាពល រដ្ឋខ្មែរដែលធ្វើដំណើរឆ្លងកាត់នៅលើ ស្ពាននេះ សូមឱ្យសុខសប្បាយគ្រប់ៗគ្នា។
ពិធីនេះមានការចូលរួមពីសំណាក់ លោកលៀម សុដា អភិបាលរងខេត្ដ ឧត្ដរមានជ័យ ព្រមទាំងមន្ដ្រីរាជការនៅ តាមមន្ទីរជុំវិញខេត្ដទៀតផង។
សូមបញ្ជាក់ថា ស្ពានកណ្ដែកដែល តែងបង្កគ្រោះថ្នាក់ឆក់យកជីវិតមនុស្ស ស្ថិតនៅភូមិកណ្ដែក សង្កាត់-ក្រុងសំរោង ខេត្ដឧត្ដរមានជ័យ។
បើគេពិនិត្យទៅលើ ផ្លូវនៅចំណុចនេះ គឺកោងខ្លាំងណាស់ ទាំងទៅទាំងមកដែល អ្នកខ្លះក៏បានរិះគន់ផងដែរទៅលើមន្ដ្រី ជំនាញសាងសង់ផ្លូវ មិនគួរណាធ្វើផ្លូវឱ្យ កោងយ៉ាងនេះនោះទេ? ប៉ុន្ដែអ្នកខ្លះ និយាយថា ទោះបីស្ថានភាពផ្លូវបែបណា ក៏ដោយ ឱ្យតែយើងបើកបរគោរពច្បាប់ ចរាចរណ៍ គឺគ្មានគ្រោះថ្នាក់អ្វីឡើយ។ ដោយឡែកអ្នកខ្លះនិយាយបែបអរូបីថា ធ្វើដំណើរមកដល់ស្ពាននេះ ហាក់មានអ្វី ទាញ ធ្វើឱ្យមានអារម្មណ៍ភិតភ័យ ឬខ្លះ និយាយថា ជើងកប។ ប៉ុន្ដែទោះបីជា យ៉ាងណាក៏ដោយ ក៏យើងត្រូវតែប្រុង ប្រយ័ត្នទាំងអស់គ្នា គោរពតាមច្បាប់ ចរាចរណ៍ទើបគ្មានគ្រោះថ្នាក់កើតឡើង។
បើគេពិនិត្យទៅលើ ផ្លូវនៅចំណុចនេះ គឺកោងខ្លាំងណាស់ ទាំងទៅទាំងមកដែល អ្នកខ្លះក៏បានរិះគន់ផងដែរទៅលើមន្ដ្រី ជំនាញសាងសង់ផ្លូវ មិនគួរណាធ្វើផ្លូវឱ្យ កោងយ៉ាងនេះនោះទេ? ប៉ុន្ដែអ្នកខ្លះ និយាយថា ទោះបីស្ថានភាពផ្លូវបែបណា ក៏ដោយ ឱ្យតែយើងបើកបរគោរពច្បាប់ ចរាចរណ៍ គឺគ្មានគ្រោះថ្នាក់អ្វីឡើយ។ ដោយឡែកអ្នកខ្លះនិយាយបែបអរូបីថា ធ្វើដំណើរមកដល់ស្ពាននេះ ហាក់មានអ្វី ទាញ ធ្វើឱ្យមានអារម្មណ៍ភិតភ័យ ឬខ្លះ និយាយថា ជើងកប។ ប៉ុន្ដែទោះបីជា យ៉ាងណាក៏ដោយ ក៏យើងត្រូវតែប្រុង ប្រយ័ត្នទាំងអស់គ្នា គោរពតាមច្បាប់ ចរាចរណ៍ទើបគ្មានគ្រោះថ្នាក់កើតឡើង។
មន្ដ្រីនគរបាលចរាចរនៃអធិការដ្ឋាន ក្រុងសំរោងបានឱ្យនគរវត្ដដឹងថា ចាប់ តាំងពីដើមខែមីនា គ្រោះថ្នាក់ចរាចរ បានកើតឡើងមាន៣ករណីធ្វើឱ្យមនុស្ស ស្លាប់៥នាក់ និងរបួសបាក់ជើងស្ដាំម្នាក់ ។ ដោយឡែកគ្រោះថ្នាក់នៅលើស្ពានកណ្ដែក ដែលធ្វើឱ្យមនុស្ស៤នាក់ស្លាប់ បណ្ដាល មកពីម៉ូតូជិះគ្នា៤នាក់បើកហួសល្បឿន កំណត់ បុករថយន្ដយ៉ាងពេញទំហឹងក្នុង ទិសដៅបញ្ច្រាសទិសគ្នា។
ទោះបីជាយ៉ាងណាក៏ដោយ បន្ទាប់ពី ពិធីសូត្រមន្ដប្រោះព្រំសុំសេចក្ដីសុខនេះ គេជឿជាក់ថា បារមីទាំងឡាយដែលថែ រក្សានៅលើស្ពាននេះ ពិតជាជួយតាមថែ រក្សាអ្នកដំណើរទាំងឡាយឱ្យធ្វើដំណើរ ដោយសុវត្ថិភាពជាក់ជាមិនខាន ៕
