អរគុណដែលធ្លាប់ស្រលាញ់

១         អានុស្សាសាលាប្រក់មេឃ ភ្លៀងចម្លែក ទាំងមេឃស្រលះភ្លឺថ្លា សិស្សគ្រប់រូប
            រូតរះប្រវេប្រវ៉ា រត់ជ្រកពួនអាត្មា គ្រោមទីសាលាទ្រុឌទ្រោម។

២         ទន្លេស ពង្រតាប៉ែន ភូមិខុសមែន តែយើងរៀនថ្នាក់រួមគ្នា ថ្នាក់ទី១០ ១១
            រហូត១២ ស្នាមអានុស្សាវរីយ៍ ដិតដាមជាប់ហូរហែរ។

R         អរគុណ ៗ ដែលព្រមស្រលាញ់ ទោះបងចាញ់ ខ្សត់ខ្សោយសម្បត្តិទ្រព្យា 

            ចប់បាក់ឌុប យើងក៏ស្រូតម្នីម្នា តស៊ូបំពេញវិជ្ជា ឆ្ងាយនាទីក្រុងភ្នំពេញ។

៣         ឪ!ទីក្រុងសែនល្អឆើតឆាយ គន់មិនណាយ សប្បាយប្លែកភ្នែកអស្ចារ្យ 

            មនុស្ស    ប្រុសស្រី ស្លៀកពាក់ស្រស់ស្អាតហ៊ឺហា ឆក់ទាញដួងចិន្តា​ 

            ភ្លេចភូមិកំនើតហើយ។

R២      អរគុណ ៗ ដែលធ្លាប់ស្រលាញ់   ធ្លាប់ក្នក់ក្នាញ់ គ្នាន់គ្នេរប្រួលប្រែចិត្តថ្កាន
            ធ្លាប់ស្ម័គ្រស្នេហ៍ ក៏ប្តូរជាក្បត់វិញបាន ចិត្តស្រីងាករេសាមាន្យ 

            រកស្មានដៅមិនស្មោះឡើយ។

៤         ឪ!ទីក្រុងសែនល្អឆើតអើយ អ្នកឈ្នះហើយ មិនស៊ូប្រជែងយកជ័យ
            ភារៈធំ ត្រូវរែកទូលមូលសេចក្តី លែងឆ្អែតចិត្ត​ព្រោះស្រី 

            ច្រៀកចែកហែកបេះដូង។

 

ភ្នំពេញ ថ្ងៃទី០៣ ខែសីហា ឆ្នំា២០០៨

និពន្ធៈ ទឹម រត្ន័ម្នី