ម្ហូបអាហារដែលគ្រួសារអ្នកឧត្ដរមានជ័យនិយមទទួលទាន
ដោយនិស្សិត ជិម ជីវ៉ា
នៅខេត្តឧត្តរមានជ័យសព្វថ្ងៃ ជីវភាពរស់នៅប្រចាំថ្ងៃគ្រួសារនីមួយៗ តែងតែចម្អិនម្ហូបអាហារ
ដែលខុសប្លែកដើម្បីឲ្យសមាជិកក្នុងគ្រួសារមានផាសុកភាព។ គ្រួសារផ្សេងទៀតបានជ្រើសរើស
ម្ហូបដែលមានរសជាតិហើរ ប្រៃ ល្មមជាចំណង់ចំណូលចិត្តរបស់ពួកគាត់ម្នាក់ៗ។ គ្រួសារខ្លះនិយមចម្អិនចំណីអាហារជាច្រើនមុខដូចជា ដាំស្ល ស៊ុប ឆា អាំង ចៀន បំពង ដុត ស្ងោរ និង ម្ហូបផ្សេងៗជាច្រើនមុខ
ទៀត។ គ្រួសារនីមួយៗតែងតែចំណាយពេលចម្អិនម្ហូបជាញឹកញាប់ដើម្បីទទួលទានអោយមានរសជាតិ
ឈ្ងុយឆ្ងាញ់យើងគួរតែបរិភោគអោយបានបីពេលក្នុងមួយថ្ងៃយ៉ាងតិចដើម្បីអោយមានសុខភាពល្អ ។ បើសិនបើយើងបរិភោគមិនបានគ្រប់គ្រាន់យើងមិនស្លាប់ទេ ប៉ុន្តែវាគ្មានកម្លាំងធ្វើការនិងមិនអាចលូតលាស់បានពិសេសក្មេងៗ។ ម្ហូប នីមួយៗអាចបរិភោគបានគ្រប់រដូវកាលមិនថារដូវវស្សា និង រដូវប្រាំងពីព្រោះវាជាពេលដែលរកបន្លែនិងសាច់បានយ៉ាងងាយ។គ្រួសារនីមួយៗតែងតែទទួលទានផ្អក ត្រីប្រៃ ត្រីជូរ
ប្រហុក និង ផ្សេងៗ ទៀតវាជាម្ហូបដែលសំបូរនៅរដូវវស្សាគេអាចទុកវាបរិភោគថ្ងៃណាមួយក៏បាននិងអាចបរិភោគជាមួយបន្លែស្រស់ៗ ព្រោះវាជាម្ហូបដែលងាយស្រួយចម្អិននៅក្នុងគ្រួសារនីមួយៗផងដែរ។
សម្លកកូរជាមុខម្ហូបដែលមានគេនិយមច្រើនជាងគេដែរ ព្រោះវាមានគ្រឿងផ្សំច្រើនប្រភេទដែលអាច
ជំនួយសុខភាពរាងកាយមនុស្សបានមួយកម្រិត។ គោឡើងភ្នំជាមុខម្ហូបដែលគេនិយមទទួលទាន ញឹក
ញាប់ផងដែរ ជាពិសេសនៅពេលដែលគេជួបជុំគ្នាហើយគេអាចបរិភោគវាពេលណាក៏បានហើយងាយស្រួលចម្អិនវាមានគ្រឿងផ្សំដូចជាបន្លែស្រស់ៗសាច់គោស្រស់ៗ ឆ្នាំងភ្លើង ប័រឬខ្លាញ់ និងគ្រឿងទេសផ្សេងៗ ដែលជាចំណង់ចំណូលចិត្តរបស់គ្រួសារ នីមួយៗ។ ចំណែកឯសម្លល្វែក្ដាមវិញក៏ជាមុខម្ហូបមួយផងដែរដែលគេនិយមចម្អិនវា នៅរដូវវស្សាព្រោះថារដូវនោះវាសំបូរក្ដាមស្រែជាច្រើននិងម្ហូបជាច្រើនមុខទៀតសុទ្ធតែជាម្ហូបឈ្ងុយឆ្ងាញ់។ នៅរដូវភ្លៀងតែងតែមានរុក្ខជាតិលាស់ខ្ចីតាមដើមនិងរុក្ខជាតិដុះតាមដីមានដូចជាស្ដៅ ស្លឹកល្ងៀង ផ្សិតកញ្ចូរ ផ្សិតផក់ ចចកអណ្ដែក និង រុក្ខជាតិជាច្រើនមុខទៀត ដែលនាំអោយប្រជាជន នាំគ្នាបេះ រឺដកវាយកទៅធ្វើជាអន្លក់ហើយ អាចទ្រនាប់ជាមួយ មុំា ប្រហុកបុកត្រប់ បុកគ្រឿង បុកក្រសាំងជាដើម ។ នៅរដូវប្រាំងជារដូវដែលសំបូរបន្លែស្ពៃចង្កឹះ ស្ពៃក្រញ៉ាញ់ និងបន្លែជាច្រើនមុខទៀតដែលគេអាចយកវាទៅធ្វើជាជ្រក់ រឺ អន្លក់សម្រាប់បរិភោគជាមួយម្ហូបផ្សេងៗក៏បាន ។
ម្ហូបនីមួយៗសុទ្ធតែខុសប្លែកពីគ្នាជាច្រើនដែលនាំអោយមេផ្ទះនីមួយៗ ពិបាកជ្រើសរើសអោយគ្រួសាររបស់គាត់ទទួលទានបានឆ្ងាញ់ ។ ដើម្បីកុំអោយមានភាពស៊ាំដដែលនាំអោយម្ហូបនីមួយៗខូច ទ្រង់ទ្រាយមេផ្ទះនីមួយៗគួរតែផ្លាស់ប្ដូរ មុខម្ហូបអោយបានយ៉ាងតិចមួយសប្ដាហ៍មួយដងជារៀងរាល់ថ្ងៃ
ធ្វើអោយមុខម្ហូបដែលបានកំណត់ ក្នុងគ្រួសារនោះមានសុពលភាព និងមានអាយុកាលយូរអង្វែងផង៕