ថ្ងៃនេះសែនប្លែក គួឲ្យចំឡែក
ប្លែកក្នុងចិន្ដា សំលឹងមើលមេឃ
ទាំងចិត្ដខ្លោចផ្សា ម្ដេចថ្ងៃនេះណា
មេឃមិនស្រលះ។
អ្វីៗធ្លាប់ស្រស់ ឥឡូវប្រែអស់
គ្មានសល់អ្វីខ្លះ តើមកពីអ្វី
ខ្ញុំឆ្ងល់ខ្លាំងណាស់ ឫពីអកាស
រកកលចង់ភ្លៀង។
តែចង់ប្រាប់ថា ក្នុងខែនេះណា
ប្រហែលជារាំង ខែរដូវប្រាំង
សំលេងសកសៀង ផ្គរខ្យល់មិនទៀង
រាំងភ្លៀងគ្មានខែ។
ខ្ញុំឈរសំលឹង សញ្ជឹកសញ្ជឹង
រំពឹងគ្មានល្ហែរ សង្ឃឹមថ្ងៃមួយ
ថ្ងៃផុតលែងព្រួយ ថ្ងៃល្អឥតកែ
ប្រែល្អរហូត៕
 |
| ប៉ក់ តុលា (សំណង់ស៊ីវិល) E-mail: buktola72@gmail.com |