កាលសម័យដើម ប្រុសស្រីឆ្លាតឆ្នើម
សំបូរពេកក្រៃ របស់បុរាណ
ប្រើពេញផែនដី កិត្តិយសល្បាញល្បី
ទូទាំងសកល។
ពេលនេះប្លែកហើយ ឳ!ខេមរាអើយ
គ្មានអ្វីសេសសល់ គេបំផ្លាញអស់
សម្បត្តិទ្រព្យផល់ ខេមរាវិលវល
រស់សែនឈឺចាប់។
អាណិតកូនចៅ សណ្ដាណញាតិផៅ
គ្មានអ្នកនាំប្រាប់ អោយរស់រងទុក្ខ
រស់ស្មើនឹងស្លាប់ រីងរៃឈឺចាប់
គ្មាននាក់ណាជួយ។
ឃើញប៉ុណ្ណឹងហើយ អ្នកខ្លះកន្តើយ
គ្មានអ្នកណាព្រួយ សប្បាយពេកក្រៃ
អរនឹងជំនួយ ខ្មៅល្អក់រលួយ
ប្រជារីងរៃ។
ក្មេងៗក្រោយៗ សូមកុំបណ្ដោយ
ត្រូវក្រោកលឿនក្រៃ កុំដេកស្ពឹកយូ
ណាកូនម្ដាយថ្លៃ រូតរះលឿនក្រៃ
កសាងខេមរា។
ព្រោះយើងពេលនេះ ត្រូវការគិតរិះ
រកផ្លែរកផ្កា មកសាងមាតុភូមិ
អោយល្អភ្លឺថ្លា កុំអោយប្រេះឆា
ចម្រើនថ្កុំថ្កាន៕
 |
| ស្ងាម ក្រឹម(រូប វិទ្យា) E-mail: sngamkrem@gmail.com |