រូបគួរឲ្យខ្លាច ស្ថិតលើស្លឹកដាច
ក្នុងព្រៃព្រឹក្សា គ្មានអ្នកចូលចិត្ត
គេខ្លាចរអា ព្រោះខ្លួននោះណា
គួខ្ពើមពន់ពេក។
គ្រប់ពេលវេលា ខ្លួនតែងគ្មានគ្នា
ឈរអង្គុយដេក សែនស្រណោះខ្លួន
នឹកសែនសង្វែគ ឈឺចាប់ពន់ពេក
គ្មានអ្វីប្រៀបស្មើ។
ខ្លះសែនស្អប់ណាស់ ដង្កូវខ្លួនចាស់
គ្មានអ្វីប្រសើរ ធ្វើឲ្យគេខ្ពើម
រអើមដំណើរ ខ្លះជួបពេលដើរ
ចង់តែប្រល័យ។
ទោះខ្ញុំអាក្រក់ ក៏មិនកុហក
ភូតអ្នកដ៏ទៃ ខ្ញុំរស់តែខ្ញុំ
កុំមកកែខៃ នាំកើតគ្រោះភ័យ
រឿងធំហ្មងសៅ។
គិតឲ្យតែល្អ ខ្លួនឯងស្មោះស
កុំមកប្រដៅ ខ្ញុំដឹងខ្លួនខ្ញុំ
រឿងសោករឿងសៅ ភាពងងឹតខ្មៅ
ខ្ញុំអ្នកដោះសា្រយ។
អាងខ្លួនស្អាតបាត មើលងាយប្រមាថ
ចាក់រុកកកាយ ឲ្យគេរងទុក្ខ
មិនឲ្យសប្បាយ គំនិតរាយមាយ
ខាងធ្វើបាបគេ។
ដង្កូវខ្ញុំសុំ អ្នកទាំងឡាយកុំ
ប្រើពាក្យរិះរេ បោកប្រាស់កុហក
ធ្វើបាបរូបគេ ក្រែងកម្មវិលរេ
មករកខ្លួនឯង៕
 |
| ស្ងាម ក្រឹម(រូប វិទ្យា) E-mail: sngamkrem@gmail.com |