ថង់ប្លាស្ទិក

ថង់ប្លាស្ទិកផ្តិត           និយមពេញចិត្ត

ប្រើប្រាស់គ្រប់ហាង           ផលិតទាន់ឆ្នាំ

សាច់សស្រឡាង               បម្រើតាមហាង

ជួយសម្រាលទុក្ខ។

អ្នកលក់សប្បាយ       ភ្ញៀវអាងលុយចាយ

ខំទិញសម្រុក            ឥវ៉ាន់តូចធំ

ធ្ងន់ស្រាលគ្រប់មុខ    គេញ៉ាត់ស្រញ៉ុក

លាក់បាំងអារម្មណ៍។

ស្រមោចឆ្ងល់ថា                ថង់រុំសង្ហា

លាក់អ្វីអោយចំ         បើរឿងល្អៗ

ប្រាប់ខ្ញុំអោយចំ         កុំធ្វើបង្ខំ

ធ្វើអោយជឿជាក់។

ប្លាស្ទិកទ្រាំណាស់     សង្ឃឹមដល់ផ្ទះ

បានដេកត្រជាក់        ចូលក្តាមឈូស

ទើបខ្លួនបានភ្ងាក់       គេហែកកន្រ្តាក់

ដាក់ធុងសំរាម។

ប្លាស្ទិកដៃខ្មែរ            មានគេមើលថែ

ដាក់ពាក្យបំរាម         ប្រើប្រាស់រួចហើយ

លាងទឹកទុកបាន       ដាក់ជាប់តាមប្រាណ

ប្រើមានតម្លៃ។

ប្លាស្ទិកមិនអន់           បើប្រើថ្នមធន់

រហែកយកច្នៃ            ស្លធ្វើប្រេងអុច

ចង្កៀងយួរដៃ            ភ្លឺច្បាស់ជាងថ្ងៃ

គំនិតជាផ្លូវ៕

 

ប៉ាវ​ ចន្ទ្រា (គីមីវិទ្យា)
chantreapav@gmail.com