(អត្ថបទចុះផ្សាយនៅថ្ងៃ 02-05-2013, 11:28 am) | ដោយ ថ្មីៗ
ប្រជាពលរដ្ឋ៥៦គ្រួសារមកពីខេត្តឧត្តរមានជ័យ បានជួបជុំគ្នានៅដើមពោធិ៍ មុខវត្តបទុមវតី នៅព្រឹកថ្ងៃព្រហស្បតិ៍នេះ ដើម្បីសុំអន្តរាគមន៍ពីសម្តេចនាយករដ្ឋមន្ត្រី ហ៊ុន សែន លើករណីជម្លោះដីធ្លីជាមួយមន្ត្រីយោធា។
យោងតាមពាក្យបណ្តឹង ប្រជាពលរដ្ឋដែលមកពីភូមិប្រាំប៉ោក ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ បានប្តឹងមន្ត្រីយោធាបីរូបដែលបានរំលោភយកដីរបស់ពួកគេនាអំឡុងឆ្នាំ២០១១ និងឆ្នាំ២០១៣នេះ។
ប្រជាពលរដ្ឋទាំងនោះបានរៀបរាប់ថា វ៉ាន់ ដេត មកកងពលលេខ៨ ចាន់ សុផុន មេបញ្ជាការវរៈ៨២ និង ឃី វណ្ណថន តំណាងកងពលលេខ៣ បានរំលោភយកដីខាងជើង និងខាងត្បូងថ្នល់ដែលផ្ទៃសរុប១៨០ហិកតា ជាដីស្រែ និង៦០ហិកតាជាដីចម្ការ៕
