ដោយ ៖ ភិរុណ គេហទំព័រនគរវត្ត
ថ្ងៃទី 22-04-2011 ម៉ោង 15:01:07
ថ្ងៃទី 22-04-2011 ម៉ោង 15:01:07
ខេត្តឧត្តរមានជ័យ៖ ការប៉ះទង្គិចគ្នាដោយអាវុធរវាងកងទ័ពកម្ពុជា និងថៃ ដែលបានអូសបន្លាយ តាំងពីព្រឹកព្រលឹម រហូតមកដល់រសៀលថ្ងៃទី២២ ខែមេសា នេះ នៅមិនទាន់ស្រាកស្រាន្តនៅឡើយ ជាហេតុធ្វើឲ្យប្រជាពលរដ្ឋ នៅជិតតំបន់ដែលមានការប្រយុទ្ធគ្នា ត្រូវបានអាជ្ញាធរជម្លៀសចេញ។
ប្រជាពលរដ្ឋចំនួន៣ឃុំ ដែលបាននិងកំពុងជម្លៀសចេញ រួមមាន៖ ឃុំគោកខ្ពស់, ឃុំ គោកមន និងឃុំគូ គឺឋិតក្នុងស្រុកបន្ទាយអំពិល ខេត្តឧត្តរមានជ័យ ឲ្យទៅស្នាក់នៅបណ្ដោះអាសន្នក្រោមការគ្រប់គ្រងសុវត្ថិភាពពី អាជ្ញាធរនៅស្រុកចុងកាល់ ខេត្តឧត្តរមានជ័យ ព្រំប្រទល់ខេត្តសៀមរាប ដែលមានចម្ងាយប្រមាណជិត១០០គីឡូម៉ែត្រ ពីតំបន់ប្រយុទ្ធគ្នា៕
