ម្តាយរើសអេតចាយកូននិស្សិត
ទ្រាំឃ្លានពោះស្វិតសន្សំលុយ
ព្រឹកអូសឡឺម៉ករើថង់ស្អុយ
មាន់ខ្វៃចង្ហុយម្តាយកូរពោះ។
តែម្តាយមិនហូបព្រោះតែគិត
កូនជានិស្សិតចង់រៀនខ្ពស់
កុំឪ្យអាប់អោនដល់កេរ្ត៏ឈ្មោះ
នាមជាកូនប្រុសត្រូវតែចេះ។
សង្គមឥឡុវគេត្រូវការ
អ្នកមានប្រាជ្ញារកតម្រេះ
កុំឪ្យដូចម៉ែគ្មានចំណេះ
ឆ្គួតដូចទឹកចខ្មេះប្រៃហើយជូរ។
សព្វថ្ងៃយើងរស់ទាំងកំសត់
តែអនាគតយើងអាចធូរ
ឪ្យតែព្យាយាមនឹងតស៊ូរ
អេតចាយក៏ល្អរក្សាឈ្មោះ។
ធ្វើខ្លួនជាព្រះល្អប្រសើរ
កុំធ្វើជាចោរអាប់សក្តិយស
គេវាយគេទាត់ចាប់ដាក់ខ្នោះ
គ្មានចិត្តស្រណោះដូចសត្វធាតុ។
គ្រឿងញ្ញៀនស្រាស្រីកូនជៀសចេញ
វាមិនចំណេញនាំឆ្គួតជាតិ
មានពេលទំនេរកូនត្រូវឈ្លៀត
រៀនភាសាជាតិឪ្យពូកែ។
កូរ៉េជប៉ុនចិនថៃចេះ
សាលាច្រើនណាស់នៅស្រុកខ្មែរ
ខិតខំរៀនទៅមិនខុសទេ
ដើម្បីជួយម៉ែឪ្យកើនទ្វេ។
ការងារឥឡូវសំបូរណាស់
ឪ្យតែយើងចេះទៅកូរ៉េ
ឈប់រើសអេតចាយមានប្រាក់ខែ
ជួយសង្គមខ្មែរឪ្យចំរើន។
ប៉ាវ ចន្រ្ទា