ព្រះគ្រូមេគណ ឧត្ដរាវាសី ឃង់ តិក ខេត្តឧត្តរមានជ័យ
វត្តប្រាសាទរាជាសំរោង
កាលពីថ្ងៃទី១៨ ខែមីនា ឆ្នាំ ២០១១ គ.ស ២៥៥៤ វេលាម៉ោង៨ និង ៥៣នាទីព្រឹក ព្រះគ្រូមេគណខេត្តឧត្ដរមានជ័យ បានទទួលមរណៈភាព ក្នុងព្រះជន្មាយុ ៨២ ព្រះវស្សា ដោយរោគាពាធ ក្នុងកុដិរបស់ព្រះគ្រូនៅវត្តប្រាសាទរាជាសំរោង។
ព្រះគ្រូ កើតក្នុងត្រកូលកសិករ នៅភូមិ ផ្អុង ឃុំកូនក្រៀល ស្រុកសំរោង ខេត្តឧត្តរមានជ័យ ហើយព្រះគ្រូមានស្នាដៃជាច្រើន ក្នុងការអភិវឌ្ឍន៍ វិស័យពុទ្ធចក្រ និង អាណាចក្រ ដូចជាជួយ ទំនុកបម្រុងដល់ សិស្សមកពីតំបន់ដាច់ស្រយាលដែលបានមកបន្តការសិក្សាក្នុងក្រុងសំរោង ជាពិសេសជួយអភិវឌ្ឍន៍វត្តប្រាសាទរាជាសំរោង។
អាត្មាភាព ព្រមទាំងសិស្សនិស្សិតខេត្តឧត្តរមានជ័យ មានការសោកស្ដាយយ៉ាងខ្លាំង ដែលបាត់បង់ធនធានមនុស្សក្នុងវិស័យពុទ្ធចក្រក្នុងខេត្តឧត្តរមានជ័យ៕
ព្រះគ្រូអនុគណក្រុងសំរោង
ប៊ុន សាលួត
ទូរស័ព្ទ ០១២ ៣១៥ ៧៥៣
អ៊ីមែល bunsaluth@hotmail.com