Friday, September 2, 2016

បក្សីកម្សត់



ពិភពល្វឹងល្វើយធំអណែក                           
ស្រស់ល្អឆើតប្លែកត្រេកចិន្ដា
សព្វសត្វនិទ្រ្ទាចរយាត្រា                             
គួរអនិច្ចាវែងអន្លាយ។
លំហរអាកាសខ្ពស់សន្លឹម                            
បើកភ្នែករឹមៗឆ្លងអន្ដរាយ
នេះឬសព្វសត្វទាបមិនឆ្ងាយ                        
ស្កាត់ស្កប់ចម្ងាយស្រាយជីវិត។
គួរនឹកសង្វេកត្រេកពេកក្រៃ                                  
ខ្លួនទាបចង្រៃភ្នែកងងឹត
មេបាស្លាប់អស់ក្សោះញាត្តិមិត្ដ                      
ទុក្ខថ្លែងរួមរិតចិត្តវេទនា។
ខ្លួនតូចគ្មានស្លាបចាបទួញថ្ងូរ                       
នឹកទៅអាសូរសែនគ្រាំគ្រា
មិនគួរធ្លាក់ខ្លួនលង់ជន្មា                              
អស់សត្វគេជាហើរសប្បាយ។
បានត្រឹមសម្លឹងរំពឹងគិត                             
ហោះហើរកៀកកិតបំប៉ើងកាយ
តាមពិតសោះសែនសោកស្ដាយ                   
ត្រឹមបន្ទន់កាយក្នុងគេហៈ។
អើតអើមដកករបញ្ឈរសៀង                        
បន្លឺសំនៀងទ្រូងអួលអាក់
ធ្វើម្ដេចខ្លួចតូចធំមិនដាក់                            
រងចាំទ្រូងស័ក្ដដាក់ប្រយុទ្ធ។
ឃើញគេក្អាកក្អាយសប្បាយគូ                     
អញខិតខំស៊ូតសមយុទ្ធ
គង់មានថ្ងៃក្រោយស្លាបវែងមុត                     
ហោះហើរទុគ៌តស៊ូគេបាន៕
ណិម សាលី( Management​​ )
E-mail:nemsaly1095@gmail.com

ប៊ិច



ប៊ិចនៅដៃខ្ញុំ                   ធ្វើការវិលជុំ
វង្វេងភ្លេចខ្លួន                 សរសេរប្រើប្រាស់
មិនឲ្យខុសក្បួន               ប្រើការឲ្យសួន
សមនឹងតម្លៃ។
ប៊ិចសរសេរច្រើន             យូររិតឲ្យកើន
ចម្រើនពេកក្រៃ               តែងមានប្រយោជន៍
មិនអស់តម្លៃ                  ជាមួយវិស័យ
អប់រំសិក្សា។
ប៊ិចតូចនៅដៃ                  ប្រើជាប់មិនក្ស័យ
ប្រសើរអស្ចារ្យ                 អ្នកតូចអ្នកធំ
ប្រជុំត្រូវការ                    ប៊ិចតូចសង្ហា
ប្រើការសព្វគ្រប់៕

ភួន សោភា( English language)
Email: Souphea.sn@gmail.com


Thursday, September 1, 2016

ញញឹម



តើការញញឹម                  និងក្ដីសង្ឃឹម
នោះគឺជាអ្វី                     ដែលយើងចាំបាច់
ត្រូវការរាល់ថ្ងៃ                ញញឹមប្រិមប្រិយ
គ្រប់ពេលវេលា។
ញញឹមញញ៉ែម               ទឹកមុខផ្អែមល្ហែម
គ្មានពុតមាយា                 គ្មានទុក្ខកង្វល់
ហើយជួយគាំពារ             ឲ្យអ្នកគ្រប់គ្នា
ជួបជុំសប្បាយ។
ទោះនៅទីណា                ក៏ឃើញតែការ
ញញឹមមិនណាយ            ញញឹមរាក់ទាក់
ញាតិមិត្ដជិតឆ្ងាយ            ទឹកមុខស្រស់ស្រាយ
ជាទីរាប់អាន៕
ភួន សោភា( English language)
Email: Souphea.sn@gmail.com

ភួយ ខ្នើយ និងមុង



រៀងរាល់រាត្រីមុនចូលគេង 
ស្តាប់បទចំរៀងអានសៀវភៅ
អង្គុយម្នាក់ឯងនឹកដល់ពៅ
ដៃកាន់សៀវភៅភ្នែកប្រឹមៗ។
លំហាត់ដ៏ច្រើនគ្រូដាក់អោយ     
មិនដែលកន្តើយធ្វើដោយសង្ឃឹម
ទោះងងុយខ្លាំងប្រឹងញញឹម       
ស្អែកព្រឹកព្រលឹមគ្រូយកហើយ។
បន្តឹចក្រោយមកងាកទៅស្តាំ       
ឃើញខ្នើយស្រីមុំបាក់អោយបង
បងដាក់ប៊ិចចុះសិននួនល្អង       
លើកខ្នើយត្រកងប៉ងមកកើយ។
ពេលងាកទៅឆ្វេងស្រាប់ឃើញភួយ      
នឹកបណ្តូលត្រួយប្អូនស្រីអើយ
ប្អូនទិញអោយបងច្រើនឆ្នាំហើយ 
ស្រស់កែវបងអើយហាក់ថ្មីៗ។
ភួយហើយនឹងខ្នើយយើងត្រូវការ 
ទាំងចាស់កំលោះក្មេងប្រុសស្រី
តែនៅមានមួយល្អប្រពៃ    
កុំភ្លេចពិសី​ នោះគឺមុង។
មុងការពារបានសត្វចង្រៃ 
ភួយ​ខ្នើយវិញថ្លៃល្អផូរផង់
ទាំងបីការពារមិនបង្អង់     
គេងលក់ស្កល់ស្កប់រាល់រាត្រី។
ទាំងបីជាមិត្តដ៏ជិតស្និទ     
គ្រប់មនុស្សយើងពិតលើលោកា
នៅមានច្រើនទៀតរាប់ទៅណា   
………………………………………៕
លិន ស៊ីណេ( សំណង់ ស៊ីវិល)
E-mail: Hisine03@gmail.com