សារៈសំខាន់នៃការសិក្សា

យុវជនទំពាំងស្នងឬស្សី                  

យើងត្រូវឃ្មាតខ្មីប្រឹងសិក្សា

ក្រេបយកចំណេះតាមសាស្រ្តា​​

ផ្លូវនេះហើយណាអាចជួយយើង។

ប្រទេសជាតិពិតត្រូវការអ្នក             

ជួយអភិរក្សខ្លួនគេឡើង

ឲ្យបានស្ថិតស្ថេររីកចម្រើន             

ឲ្យល្អថ្កុំថ្កើនតរៀងទៅ។

ចំណេះជាយាន្តឈានទៅមុខ        

ឲ្យរួចពីទុក្ខភាពល្ងង់ខ្លៅ

អាចជួយជ្រោមជ្រែងនៃគោលដៅ    

បានឆ្លងផុតទៅជ័យជំនះ។

គំនិតល្អៗនៅនឹងគ្រូ                    ​

មិនគួរគិតយូរត្រូវរូតរះ

ខំប្រឹងសិក្សាដោយមិនខ្ចះ​​​​​​​​​​​​​​​​​​​​​​       ​

លោកនេះហើយព្រះបន្ទាប់ពីម៉ែ។

ពេលគ្រូបង្រៀនខំប្រឹងស្តាប់     

លោកតែងតែប្រាប់ដោយមិនល្ហែ

មិនដែលលាក់បាំងត្រង់ណាទេ   

សិស្សបានពូកែសប្បាយហើយ។

ពេលយើងខំរៀនយើងនឹងចេះ   

គ្មានអ្នកមកធ្មេះមើលងាយឡើយ

គេតែងគោរពមិនកន្តើយ           

តំលៃនេះហើយដែលប្រឹងរៀន។

ពេលនេះតទៅត្រូវប្តេជ្ញា              

ថាខ្លួននេះណាត្រូវខំរៀន

យកចំណេះពិតធ្វើជាស្ពាន​​         

យកធ្វើជារានជួយជាតិយើង៕ 

លេប សូភា(សំណង់ ស៊ីវិល)
E-mail:lebsophea@gmail.com