ដើមត្នោត

រុក្ខជាតិស្រុកយើងមានច្រើនផ្នែក               

តែដើមត្នោតប្លែកគេដោយឡែក

មានគុណសម្បត្តិច្រើនហូហែរ           

មិនបាច់ខំថែក៏រស់បាន។

នៅក្នុងស្រុកខ្មែរសម្បូរណាស់          

ដើមថ្មីដើមចាស់ពេញចំការ

ទីទាបទីខ្ពស់មានផងណា                  

តែមានបញ្ហាត្រង់មនុស្ស។

កាប់បំផ្លាញវាស្ទើរតែអស់                  

មិនយល់អ្វីសោះសំខាន់ឡើយ

ឥឡូវដើមត្នោតសល់តិចហើយ           

យើងកុំកណ្តើយជួយថែផង។

ដើមត្នោតមានប្រយោជន៍ច្រើនយ៉ាង     

តាមការច្នៃបានគិតនិងប៉ង

មានផ្លែដើមវានិងស្លឹកផង                          

ញាតិមិត្តប្អួនបងចូររិះគិត។

ចំពោះដើមវាមានដួចជា                            

យកធ្វើវិហារផ្ទះសំបែង

គ្រឿងសង្ហារឹមអុសដុតផ្សែង               

ធ្វើទូកផងដែរយ៉ាងរឹងមាំ។

ផ្លែទុំគេអាចយកធ្វើនំ                        

ផ្លែខ្ចីល្មមស្នំហួបឆ្ញាញ់ខ្លាំង

ធ្វើបន្លែស្លរលើខ្ទះឆ្នាំង                      

បងប្អូនយើងចាំនៅជានិច្ច។

ចំណែកស្លឹកយើងធ្វើបានច្រើន                  

យកជ្រៀកឲ្យស្ដើងធ្វើចំណង                                  

អាចចងនំនេកចេកអន្សម                          

ចងសំណាបផងងាយស្រួលក្រៃ ។

ធាងវាយើងអាចយកធ្វើអុស               

ឆ្អើរអន្សមនោះតាមការច្នៃ

ឬសធ្វើឪសថដ៏ប្រពៃ                        

តាមការផ្សំនៃរោគគារ។

ដើមត្នោតមួយទៀតដែលគ្មានផ្លែ                 

មានតែផ្កាដែររាងដួចលិង្គ

អាចកាត់យកទឹកពេលនៅខ្ចី               

ផឹកបានឈ្ញុយក្រៃគួរជួបចិត្ត។

យកធ្វើស្ករត្នោតដ៏ប្រណិត                         

ក្លិនក្រអូបពិតគួរចង់ញុំា

ប្រយោជន៍មួយទៀតពិសេសខ្លាំង                

អាចជួយរារាំងខ្យល់ព្យុះបាន។

ទប់ទឹកជំនន់ក៏បាននោះ                    

ព្រមទាំងទប់គ្រោះរីងស្ងួតស្ងាត់

ដួចនេះញាតិមិត្តត្រូវទប់ស្កាត់                    

ជួយថែកុំបាត់តទៅអើយ៕

                     ខា សុខឿប (ជំនាញពត៍មានវិទ្យា)

E-mail:sokhoeurb kha@mail.come