បាយ

កកក៏បាយពាក្យមនុស្សចាស់            

បុរាណចាំណាស់ច្បាស់មិនច្នៃ

គេឯងដឹងឮឥតក្រលៃ                     

កាន់ជាប់នឹងដៃក្នុងគំនិត។

ពាក្យថាបាយនេះយើងត្រូវការ          

ជនគ្រប់រូបាចង់នែបនិត្យ

វាមានតម្លៃស្មើបណ្ឌិត             

ជួយផ្ដល់កម្រិតគិតវែងឆ្ងាយ។

បើគ្មានទេមនុស្សក្ស័យបង់                       

រលាយសូន្យសុងអង្គរាងកាយ

ស្គមឡើងកំព្រឹងចិត្តជិនណាយ          

គិតក៏មិនឆ្ងាយគាប់ប្រសើរ។

បង្កទុក្ខទោសកើតជម្ងឺ                     

ធ្វើឲ្យយើងឈឺប្រាណបណ្ដើរ

ឲ្យវិបត្តិកើតមានមកលើ                  

ចិត្តគំនិតស្មើបាត់បង់ញ្ញាណ។

ខួរក្បាលល្ងង់ខ្លៅអន់ប្រាជ្ញា                      

អន់ទាំងវោហារសព្វរឿងរៀន

ដូច្នេះហើយទើបគ្រប់របៀន             

ពុំអាចវៀសវានទេគ្រាប់បាយ​៕

ណិម សាលី( managemeant)
E-mail: nemsaly1095@gmail.com