មើលសត្វលលក ហិចហើរទៅមក
ប្រកៀងរកគូ ឯសត្វតៅវៅ
យបជ្រៅយំធ្ងរ ស្រែកហៅបន្រោ
ឆ្លើយឆ្លងរកគ្នា។
ចំណែកសត្វកុក ប្រឹងស្រែកកំហុក
ហើររកគ្នាវា នៅពេលយប់ជ្រៅ
ចូលដេកនិន្រ្ដា ទៀវនៅកំព្រៀរ
ឯកកោម្នាក់ឯង។
ឯសត្វខ្លែងស្រាក ស្រែកយំខ្វែកខ្វាក
កន្ដោចកន្ដែង តាដកកូនក្រៀល
មានចម្ពូរវែង ហើរខ្ពស់បែកផ្សែង
ចង់បញ្ចេញរឹទ្ធិ។
កូនចាបត្រយ៉ង ប្រកៀកកៀងកង
យកគ្នាជាមិត្ត ពួកសេកអាអ៊ូត
សត្វខូចពេកពិត ចេះមានគំនិត
បំផ្លាញដំណាំ។
ទីទុយមាន់ព្រៃ ត្មាតក្អែកកាកី
ក្រួចត្រជៀកកាំ ប្រជៀវពពិច
សរិកាស្ទាំង សំបកត្រពាំង
ទទាយំឆ្លង។
ត្លុំពេមាន់ទឹក ខ្វែកក្ងានប្រវឹក
តតេះកេងកង ក្អែកទឹកកូនរីក
ប្រវេកគ្លីងគ្លោង ចុងក្រោយប្រលេង
កន្ដ្រោងកន្រ្ដៃ៕
 |
| ចិន ភ្នី (គីមីវិទ្យា) E-mail: phnychin@gmail.com |