ចំណេះអាចស្រាយ រិះរកបរិយាយ
ស្រាយរកហេតុផល រកភាពត្រឹមត្រូវ
ដើម្បីឈានដល់ សុខគ្មានកង្វល់
រស់គ្មានទុក្ខភ័យ។
អាវុធការពារ សត្រូវនានា
ចាកឆ្ងាយពេកក្រៃ ផ្សំជាមួយប្រាជ្ញ
ដែលមានរាល់ថ្ងៃ ពិតល្អប្រពៃ
ប្រសើរកន្លង។
បើប្រើអាវុធ ប្រើឲ្យបានមុត
ការពារអ្នកផង ឲ្យមានប្រយោជន៍
កុំឲ្យមានហ្មង នោះល្អកន្លង
អ្នកផងសសើរ។
ចំនេះយើងមាន វាគឺជាស្ពាន
ធ្វើជាផ្លូវដើរ ឲ្យយើងឆ្លងស្រួល
មិនអួលដំណើរ ពិតល្អប្រសើរ
សម្រាប់ជីវិត។
អាវុធជាធ្នាក់ ការពាររូបអ្នក
ពីភាពងងឹត ប្រាជ្ញជួយបំភ្លឺ
ឲ្យឃើញស្រស់ពិត ឲ្យមានគំនិត
រិះគិតបកស្រាយ។
បើយើងមានប្រាជ្ញ អ្វីក៏មិនខ្លាច
មិននឹកព្រួយកាយ ព្រោះមានចំនេះ
ទុកគ្រាន់បរិយាយ បញ្ហាទាំងឡាយ
ស្រាយបានគ្មានព្រួយ។
អាវុធនិងប្រាជ្ញ គ្មានអ្វីត្រូវខ្លាច
ព្រោះមានជំនួយ អាវុធដៃស្ដាំ
ប្រាជ្ញឆ្វេងចាំជួយ រងចាំលើកស្ទួយ
អ្នកគ្រប់វេលា៕៚
 |
|
ស្ងាម ក្រឹម (រូបវិទ្យា)
sngamkroem@gmail.com |