ទំនួញសត្វព្រៃ

នេះជា​កាព្យថ្មី​

ប្រាប់​អស់​ប្រុស​ស្រី​

លើដី​ខេមរា​

ពី​រឿង​សាបសូន្យ​

សត្វ​ព្រៃ​ព្រឹក្សា​

គ្រប់​សត្វ​មច្ឆា​

ឆ្លេឆ្លារ​ភ័យ​ខ្លាច​។

​មាន​ខ្លះ​ព្រាត់​កូន​

ខ្លះ​ទៀត​សាប​សូន្យ​

រសាត់​​បា​ច​សាច​

ព្រោះ​តែ​ក្រុម​មនុស្ស​

សាហាវ​កំណាច

ប្រើ​ចិត្ត​កោង​កាច​

បំផ្លាញ​ជី​វិត​។

ដុត​កាប់​ឆ្ការ​ព្រៃ​

នេសាទ​រាល់​ថ្ងៃ​

ទាំង​នៅ​ឆ្ងាយ​ជិត​

បូម​ឆក់​បរបាញ់​

ទាំង​ភ្លឺ​ងងឹត​

ធ្វើ​ឲ្យ​ជី​វិត​

​មាន​តែ​សៅ​ហ្មង​។

​គ្រប់​សត្វ​មច្ឆា​​

ហិច​ហែល​ឆ្លេ​ឆ្លា​រ​

រុក​រក​ប្អូន​បង​

ពី​ការ​ព្រាត់​ប្រាស់​

ដោយ​ការ​ប៉ុន​ប៉ង​

លាយ​ការ​ភ័យ​ផង​

មនុស្ស​ប៉ង​សម្លាប់​។

មាន​ទាំ​ង​មូង​អួន​

បូម​ឆក់​ផ្ទួនៗ​

រុត​បង់​ដេញ​ចាប់​

ខ្លះ​ក៏​គេច​ផុត​

ខ្លះ​ទៀត​ក៏​ស្លាប់​

ឯ​ខ្លះ​ទៀត​ប្រាប់​

ផ្ដាំ​អស់​​ញាតិ​ផៅ។

​រី​ឯ​សត្វ​ព្រៃ​

​លើ​គោក​នោះ​នៃ​

ក៏​ព្រាត់​កូន​ចៅ​

ពេល​ថ្ងៃ​ដេក​ពួន​

ពេល​យប់​ចេញ​ក្រៅ​

រស់​ទាំង​សោក​សៅ​

ងងឹត​ក្នុង​ព្រៃ​។

រស់​ទាំង​ឈឺ​ចាប់​

ត្រដរ​ស្ទើស្លាប់

ខ្លោច​ផ្សារ​ពេក​ក្រៃ​

បារម្ភ​គ្រប់​សព្វ​

ព្រោះ​ខ្លាច​ព្រាន​ព្រៃ​

ប្រហារ​ក្សិណ​ក្ស័យ​

ប្រល័យ​សង្ខា​។

ស្រុក​យើង​ពី​មុន​

សម្បូរ​ទ្រព្យ​ធន

​មាន​គ្រប់​ប្រការ​

មិន​ថា​ក្រោម​ដី​

លើ​ផែន​ពសុធា​

​មាន​គ្រប់​អង្គា

ក្នុង​ទឹក​ផង​ដែរ​។

ឥឡូវ​អស់​បាត់​

រសាយ​រសាត់​

សាប​សូន្យ​ហូហែ​

ព្រៃ​ឈើ​គ្មាន​សល់​

សត្វ​ព្រៃ​ផង​ដែរ​

មច្ឆា​ក៏​ក្បែ​​រ

តែ​និង​រសាយ​។

​ដូច្នេះ​ខ្ញុំ​សុំ​

ជន​រួម​ជាតិ​កុំ​

អំពើ​ទាំង​ឡាយ​

ទាំង​សម្លាប់​សត្វ​

កាប់​គស់​កកាយ​

ត្រូវ​ស្រឡាញ់​ស្ដាយ​

រក្សា​ការ​ពារ​ ៕

ស្ងាម​ ក្រឹម​