 |
| www.african-safari-pictures.com/african-wild-dog-pictures.html |
កណ្ដាលអាធ្រាតស្ងប់ស្ងាត់
លឺតែសំលេងសត្វចង្រិតយំច្រែតៗ
នៅតាមគុម្គស្រូវដ៏សែនខៀវខ្ចីសំលេងមាត់ត្រីក្រាញ់លោតចុះប៉ក់ៗ
នៅក្នុងរដូវនេះគឺជារដូវដែលស្រូវកំពុងតែចាប់ផ្ដើមបង្កកំណើត ទឹកនៅតាមវាលស្រែចាប់ផ្ដើមរីងស្ងួតបន្តិចម្ដងៗ
ដែលធ្វើអោយពួកអស់មច្ឆាកំពុងតែមានមហន្តរាយដល់ខ្លួន
មានត្រីមួយចំនួនបានរកផ្លូវចាក់ចេញទៅរកថ្លុកឬត្រពាំង
ត្រីក្រាញ់ននែលទៅតាមគុម្ពសន្ទូងស្រូវដូចផ្លូវកណ្ដុរដើម្បីរកលំនៅស្ថានថ្មី
តែជាអកុសលមានសត្វត្រូវដ៏កាចសាហាវមកយាយីចាប់យកធ្វើចំណីយ៉ាងឆ្ងាញ់ពិសា
សត្វនោះគឺជាសត្វឆ្កែចចកព្រៃតែងតែស្វែងរកចំណីនៅពេលយប់ស្ងាត់ព្រោះវាខ្លាចជួបនិងមនុស្សសាមាណព្រៃផ្សៃ
ក្នុងមួយយប់វាស្វែងរកចំណីពីកន្លែងមួយទៅកន្លែងមួយ
ដើម្បីរកថ្លុកត្រពាំងដែលត្រូវខ្សត់ទឹកហើយមានត្រីស្លាប់ជាច្រើន
នៅពេលវាបានជាចំណីឆ្ងាញ់ៗវាចាប់ផ្ដើមលូរហៅគ្នាវាជាពិសេសគឺគូរកំណានចិត្តរបស់វាព្រមទាំងកូនៗ
បើសិនជាមេញីមានគត៌ វានៅការពារមិនអោយសត្វណាមកធ្វើបាបដល់មេញីវាឡើយ។
ឆ្កែចចកព្រៃមានជើងបួនដូចនិងឆ្កែស្រុកផងដែរ
មានក្រញ៉ាំជើងចំនួនប្រាំមួយ ក្រចកពណ៌ក្រហមលាយស
នៅពេលវាដេកវាបានពន្និចក្រចកចូលទៅក្នុងក្រញ៉ាំជើង
តែបើវារត់វាបានពន្លាតចេញដើម្បីបោះពួយរត់គេច។
ខ្លួនវាគ្របដណ្ដប់ទៅដោយរោមពណ៌ប្រផេះ
ទន់ដូចរោមពពែមានកន្ទុយធំបែករោមក្រញាង
តែកន្ទុយខុសពីសត្វឆ្កែស្រុក។
វាមានស្លឹកត្រចៀកពីរធំៗវែងនៅអមសង់ខាងក្បាល
ស្លឹកត្រចៀកមានរាងដូចស្លឹកត្រចៀកទន្សាយ ចំនែកមាត់តូចមានចង្គោមធំពីរនៅសង់ខាងមាត់របស់វា
ដែលជាអាវុធសំរាប់ការពារនិងខាំចាប់យកចំណី មានច្រមុះតូច
មានរោមមាត់វែងៗដូចពុកមាត់ឆ្មា។ ប្រភេទសត្វនោះមានឆ្អឹងកង
និងឆ្អឹងជំនីការពារប្រព័ន្ធគ្រឿងក្នុង ចំនែកការបន្តពូជមួយឆ្នាំម្ដង
ក្នុងមេមួយក្បាលអាចបង្កើតកូនបានដល់ទៅបួនទៅប្រាំក្បាល
វាចាប់ផ្ដើមបង្កកំណើតនៅរដូវគេប្រមូលផលស្រូវ
ព្រោះនៅរដូវនោះងាយស្រួយរកចំណី
វាចិញ្ចឹមកូនដោយទឹកដោះដូចសត្វឆ្កែស្រុកដែរ។
រឺឯដោះវាមានចំនួនប្រាំបីដែលអាចផ្ទុកប្រព័ន្ធចិញ្ចឹមដល់កូនរបស់វា
ចំនែកកាយវិការវាគួរអោយខ្លាច ប៉ុន្តែមានសភាពស្លូតបូត តែបើ យើងដេញសំលាប់វា
កាលណាវាទាល់ច្រកវានិងបកប្រហារយើងវិញជាមិនខានឡើយ
គ្រាន់តែវាប្រើក្រចកវាក៏អាចសំលាប់បានដែរ។ បើវាប្រយុទ្ធគ្នាជាមួយឆ្កែស្រុកមួយទល់និងមួយមិនអាចយកឈ្នះវាបានទេ
ឆ្កែមួយចំនួនគ្រាន់តែប៉ះនិងក្លិនវាក៏ខ្លាចមិនហ៊ានចូលជិតក្រាបក្បាលចុះរុញរាមិនទៅមុខដូចមនុស្សជួបនូវខ្លា
ឬតោដ៏ធំអញ្ចឹង! នៅពេលថ្ងៃវាលាក់ខ្លួនបានជិតល្អគ្មានណាអាចរកវាឃើញឡើយ
ចំនែកអត្ថប្រយោជន៍វាអាចធ្វើជាអាហារនិងយកទៅចិញ្ចឹមនៅតាមសួនច្បារដើម្បីជាវត្ថុទេសចរណ៍បានផងដែរ
ចំនែកការរត់់របស់វាក្នុងមួយនាទីរហូតដល់ទៅមួយរយម៉ែត្រ
ដូច្នេះការប្រមាញ់ចាប់សត្វនានា ដូចជា សត្វទន្សាយ ឈ្លូស.....គឺមានភាពងាយស្រួលបំផុត៕៚
 | ||
|
បូវិណៃ (សេដ្ឋកិច្ច និង អភិវឌ្ឍន៍ជនបទ) bovinai.omc@gmail.com |