សមាគមនិស្សិតឧត្តរមានជ័យ: ការផ្លាស់ប្ដូរនៃចរិតកូនខ្មែរ

កម្ពុជា គឺជាប្រទេសមួយដែលមានអរិយធម៌ វប្បធម៌ និងទំនៀមទំលាប់ដ៏ល្អភរផង់ហើយមានប្រពៃណីល្អជាងប្រទេសឯទៀត កូនខ្មែរមានចរឹកត្រឹមត្រូវ ស្មោះត្រង់ ស្មោះនិងប្រពន្ធប្ដីគ្មានចិត្តក្បត់គ្នាទៅវិញទៅមក ខ្មែរស្លៀកពាក់សមរម្យតាមប្រពៃណីរបស់ខ្លួន មិនចេះដើរហើរនៅពេលរាត្រី ចេះស្ដាប់បង្គាប់ឪពុកម្ដាយ ជួយការងារផ្ទះសម្បែង នៅពេលសំរាកពីរការសិក្សា កាលពីសម័យកណ្ដាល ប្រជាជនខ្មែរប្រកាន់បានយ៉ាងភ្ជាប់ភ្ជួននៅប្រពៃណីខ្មែរដូចជាការស្លៀកពាក់ មិនបញ្ចេញសិចស៊ីអោយប្រុសៗមើល សក់ខ្មៅរលួងវែងប្រាស់ស្មា ស្លៀកពាក់ហួលផាមួង សារុងសូត្រ មានគ្រឿងអង្ការអមទៀត ដែលធ្វើអោយសម្រស់់នារីខ្មែរស្អាតរកអ្វីផ្ទឹមគ្មាន នេះក៏ព្រោះខ្មែរចេះភ្ងាក់រលឹកពីប្រពៃណីដែលបានធ្វើអោយពួកគាត់ទទួលបានភាពល្អប្រសើរ ជាងនេះទៅទៀតខ្មែរមានពិធីទាកទង់និងប្រពៃណីជាច្រើនទៀត ដូចជាពិធីចូលម្លប់របស់ស្រ្តីខ្មែរដល់វ័យក្រមុំ ពិធីភ្ជុំបិណ្ឌ ចូលឆ្នាំខ្មែរ ពិសាឍបូជា ពីធីរៀបអាពាហ៍ពិពាហ៍ ការសែនព្រេន ។ល។

យើងឃើញថាពិធីទាំងនេះ កូនខ្មែរទាំងអស់នាំគ្នារៀបចំស្លៀកពាក់់សំលៀកបំពាក់ស្របទៅតាមពិធីផ្សេងៗ ដែលបានចែងនៅក្នុងគម្ពីប្រពៃណី ទន្ទឹមនិងការចំនូលចិត្តនៃការស្លៀកពាក់ ខ្មែរមានផ្នត់គំនិតមិនចេះកែងប្រវ៉ាញលើទឹកដីអ្នកជិតខាងឡើយ ពេលមានការលំបាក ឬមានធុរ:ខ្មែរតែងជួយគ្នាយ៉ាងសរស្រាក់សរស្រាំក្នុងការសាមគ្គីគ្នារួបរួមគ្នា ខ្មែរក៏មានចំរៀងទាក់ទង់និងទំនៀមទំលាប់ ក៏ដូចជាវិស័យកីឡានិងវិស័យគ្រប់ប្រភេទទៀត………។ ប៉ុន្តែជាអកុសលមកដល់សម័យបច្ចុប្បន្ន ខ្មែរប្រែផ្ទុយស្រឡះ ពីប្រពៃណីដើម ប្រែមកជាខ្មៅងងឹត ធ្លាក់ទៅក្នុងភាពបរាមុខស្ទើរតែមិនអាចត្រលប់មកវិញបានឡើយ។

កត្តាដែលធ្វើមានភាពផ្លាស់ប្ដូរនៃប្រពៃណីនិងចរឹកនៃកូនខ្មែរមានដូចជា៖

ការហូរចូលប្រពៃណីបរទេស: នៅពេលដែលកូនខ្មែរបានឃើញសកម្មភាពបរទេស ស្លៀកខ្លី កូនខ្មែរងាយនិងទទួលយកព្រោះពួកគេមានភាពល្ងងខ្លៅគិតថាសកម្មភាពបែបនេះ លូយនិងសង្ហារ ងាយស្រួលទាក់ទាងបុរសសង្ហារ ឬក៏ស្រីស្អាត ធ្វើជាសង្សារ។

សំភារ:ទំនើបថ្មី : ដោយសារពួកគេវង្វេងនិងវត្ថុមានតម្លៃ ក៏ដូចជាទាក់ទងផ្នែកសំលៀកបំពាក់ចេះស្លៀកខ្លីបញ្ចេញគល់ភ្លៅ ដើមដោះ សាច់ពោះ ស្លៀកសំយ៉ែស(ដែលហៅសិចស៊ី) មិនគិតសិក្សារៀនសូត្រ លេងស្ដាប់បង្គាប់ម្ដាយឪពុក ដើរពាក់កណ្ដាលអធ្រាត ចូលបាជាមួយប្រុស ឬស្រីស្នេហ៍ នាំគ្នាចូលសណ្ឋាគារួមមេត្រីមិនគោរពតាមប្រពៃណី សក់ខ្មៅរលួងប្រែក្លាយជាពណ៍ក្រហមទង់ដែង សក់វែងប្រែក្លាយជាខ្លី សុខភាពប្រែជាក្រអើតក្រតូម មិនចេះគោរពចាស់ទុំ ចេះលួចចេះប្លន់ ចេះចាប់រំលោភគ្មានត្រាប្រណី នាំគ្នាទិញស្រីក្មេង ប្រុសក្មេងមកកំដរកាមតណ្ហា មិនស្មោះនិងប្រពន្ធប្ដី ព្រោះតែលុយធ្វើអោយពូកគេធ្លាក់ក្នុងអណ្តូងនរកយ៉ាងព្រៃផ្សៃ ហើយបន្សល់ទុកជំងឺអេដស៏ដល់គ្រួសារនិងកូនធ្វើអោយពួកគេបាត់បង់អនាគត កេរ្ដិ៍ឈ្មោះស្អុយរលួយអប់អោនដល់សង្គមទាំងមូល មិនថាយ៉ាងណានោះទេ យុវវ័យតែងចង់ដឹងចង់ស្គាល់នៅអ្វីដែលខ្លួនមិនដែលជួបប្រទះ ព្រោះតែប្រទេសជួបសង្រ្គាមជាច្រើនសតវត្សធ្វើអោយពួកគេបាត់បង់ការសប្បាយ មកដល់ប្រទេសចប់សង្រ្គាម ពួកគេចង់បានសេរីភាពចង់សប្បាយអោយអស់ដៃ តែចង់របស់យុវវជនសម័យថ្មីប្រែផ្ទុយស្រឡះពីសង្គមទាំងមួល ប្រាស់ចាកពីប្រពៃណីរបស់ខ្មែរទាំងស្រុង។ ហើយងាយធ្វើអោយសង្គមធ្លាក់ក្នុងភាពបរាជ័យ ធ្វើអោយបរទេសមើលងាយដល់ទំនៀមទំលាប់ខ្មែរ។ ការផ្លាស់ប្ដូររបស់កូនខ្មែរ ក៏មកពីរដ្ឋាភិបាលមិនសូវខ្វាយខ្វល់ ហើយការខ្វល់ខ្វាយក៏នៅមានចន្លោះប្រហោងច្រើននឹងយុវជន ចំនែកការសិក្សាវិញពួកគេមិនគិតពីគុណភាពនៃការសិក្សា គឺចង់បានតែបរិមាណសិស្សជាចំបងចំពោះសាលាមួយចំនួន ដើម្បីទទួលបានកំរ៉ៃតាមសាលានីមួយៗរបស់ពួកគេ។ ចំនែកអ្នកអប់រំវិញនៅក្នុងសាលានាៗមិនយកចិត្តទុកដាក់ឡើយបង្រៀនយកតែលុយតែប៉ុណ្ណោះ តែបើនិយាយអោយចំពោះផ្នែកការផ្សព្វផ្សាយតាមទូរទស្សន៍ វិទ្យុ វិញកាន់តែពិបាកភ្នែកមើលជាងផ្នែកផ្សេងៗទៀត ស្លៀកខ្លីបញ្ចេញសាច់អោយយុវជនយុវនារីប្រព្រឹត្តតាម ក្មេងៗឆាប់ទទួលយកបែបតារាល្បីៗដូចជា សក់វែង សក់ម៉ូតប្លែកៗខុសប្រក្រតីពីទំលាប់សម័យដើម ជាពិសេសសម័យថ្មីគេបានបង្កើតកន្លែងមិនល្អជាច្រើនពាសពេញទីប្រជុំជនដូចជា ហាងផឹកស្រា រង្គសាល ខារ៉ាអូខេ បនស្រី និងកន្លែងល្បែងមួយចំនួនទៀតផង។ ចំនែកសម័យសព្វថ្ងៃកូនស្រីមួយចំនួនតូចនាំគ្នាដណ្ដើមខោប្រុសៗ ស្លៀកមិនអម៉ាស់ឡើយ ពីមុនការរៀបការគឺពឹងផ្អែកទៅលើម្ដាយឪពុកជាអ្នកសម្រេចចិត្តផ្សំផ្គុំ តែឥឡូវដូចជាក្រឡាប់ចក្រនៃពិភពថ្មី កូនស្រីចេះស្វែងរកស្វាមីដោយខ្លួនឯង អ្នកមានគុណគ្រាន់តែជួយទ្រទ្រង់តែប៉ុណ្ណោះ បើនិយាយពីអ្នកស្រុកស្រែវិញពីសម័យកណ្ដាល នៅពេលមានពិធីផ្សេងខ្មែរចេះជួយគ្នា តែឥឡូវសក់អ្នកណាក្បាលអ្នកនោះ បើមិនជួលទេពួកគេមិនមកជួយឡើយ ចំនែកការាំរែកវិញខ្មែរមានទំនៀមទំលាប់មួយគឺអ្នកម្ចាស់កម្មវិធីត្រូវតែដើរសុំកូនស្រីមករាំកំដរកម្មវិធីត្រូវមានការអនុញ្ញាតិពីម្ដាយឪពុក តែឥឡូវលឺតែសម្លេងបាស វាដូចសរសៃទាញស្រីៗរាំដូចប្រុស សំលៀកបំពាក់វិញខើចលើខើចក្រោមលោតកញ្ជោងខ្លាំងជាងប្រុសទៅទៀត ចុះបុរសវិញយ៉ាងណាដែរ ចំពោះសកម្មភាពពួកគេមិនធម្មតាទេ ប្រទេសមានសង្គ្រាមធ្វើខ្លួនអន់ជាងឆ្កែទៅទៀតមិនហ៊ានទាំងកាន់អាវុធផង តែពេលចប់សង្រ្គាមគេប្រើពាក្យសម្ដីក្អេងក្អាងបង្កើតចរឹតស្ទាវ ពេលគេរាំងធុងបាសលឺតែកាប់និងចាក់ ខ្ញុំឆ្ងល់ណាស់សូម្បីតែមើលមុខមិនបាន ថាឯងមើលងាយគេទៅវិញ ដោយសារតែភាពទំនើងបែបនេះហើយទើបធ្វើពួកគេស្គាល់គុកច្រវាក់ ត្រូវឃ្លាតចាកពីម្ដាយទាំងក្មេង។ ជាចុងក្រោយខ្ញុំសុំអោយមាតាបិតាជួយយកចិត្តទុកដាក់ទៅលើកូនរបស់ខ្លួន កុំអោយប្រព្រឹត្តិអំពើរខុសឆ្គង តែក៏សូមអោយយុវជនទាំងអស់កុំគិតតែពីសប្បាយចូរគិតពីសង្គមជាតិយើងផងណា!៕៚បូវិណៃ

Thursday, October 4, 2012

ការផ្លាស់​ប្ដូរនៃចរិតកូនខ្មែរ

ការផ្លាស់ប្ដូរនៃចរិតកូនខ្មែរ