សមាគមនិស្សិតឧត្តរមានជ័យ: ពិធីបុណ្យចួលឆ្នាំថ្មីនៅភួមិខ្ញុំ

នៅថ្ងៃ ទីដប់បី ខែមេសា ឆ្នាំ២០១២ត្រូវនិងថ្ងៃទីមួយនៃវិធីបុណ្យចូលឆ្នាំខ្មែរ ជាពិធីបុណ្យមួយ ដែលប្រជាជានខ្មែរទូទាំងប្រទេសបានប្រារព្ធធ្វើឡើងដើម្បីឆ្លងឆ្នាំចាស់ផ្លាស់ចូលឆ្នាំថ្មី នឹងជាការដូរវេនទេវតាមកថែរក្សាមនុស្សលោកអោយរស់រានរកស៊ីទទួលទានមានបានគ្រប់ៗគ្នា ហើយវិធីបុណ្យចូលឆ្នាំខ្មែរនេះគឺមានចំនួនបីថ្ងៃ ។ គឺថ្ងៃទី១ជាថ្ងៃ ចូលឆ្នាំ ថ្ងៃទី ២ គឺថ្ងៃ វីរវ័នបត និង ថ្ងៃ ទី ៣ ត្រូវនិងថ្ងៃឡើងសក័ ដែលត្រូវនិងឆ្នាំរោង។

ទន្ទឹមនិងនោះដែរយើងសង្កេតឃើញថានៅ ថ្ងៃទី ១ នៃបុណ្យចូលឆ្នាំថ្មី គ្រប់ភូមិទាំងអស់ពួកគាត់បានយកបាយសម្ល ផ្លៃឈើ សម្លៀកបំពាក់ ទឹក ផ្លៃឈើ ទឹក ក្រូច នំនេក ចេក អន្សម និង គ្រឿងក្រអូបមួយចំនួនដែល ជាពិសេសទៅ ទៀតនោះគឺពួកគាត់បានយកផ្កាដែលមានពណ៏ចំរុះ ឬ ក៏ពណ៏ស្អាតដែលស៊ី និង ឆ្នាំមួយៗ មកថ្វាយដល់ទេវតាឆ្នាំថ្មី ហើយពួកគាត់ក៏បាននាំគ្នាសំអាតបរិវេនមុខផ្ទះ លើផ្ទះ ក្រោមផ្ទះ អោយស្អាតដើម្បី ទទួលទេវតាមកថែរក្សាពួកគាត់ ។ សង្កេតឃើញថាមានផ្ទះខ្លះនៃភូមិរបស់ខ្ញុំ បានលំអរទៅ ដោយ ភ្លើងគោម និងខ្លះ ទៀតរៀបចំ ទៅ តាមតែចំនូលចិត្តរបស់ពួកគាត់។ នៅ ថ្ងៃនោះផងដែលខ្ញុំសង្កេតឃើញថា មានក្រុមគ្រួសារខ្លះគេធ្វើ ពិធី ជប់លៀងដើម្បី ទទួលកូនចៅ ដែលមកជួបជុំគ្នាពី ជិតពី ឆ្ងាយ ក៏ដូចជាដើម្បី ទទួលទេវតាឆ្នាំថ្មី ផងដែរ ឯក្រុមគ្រួសារខ្លះ ទៀតពួកគាត់បានបបួលគ្នាមុជទឹកជូនម៉ែឪ យាយតាដើម្បី អោយពួកគាត់មានអាយុវែងនិងមានសុខភាពល្អផុតពីគ្រោះ ភ័យទាំងឡាយទាំងពួង ជាពិសេសសុំពរជ័យពីគាត់ដើម្បី អោយកូនចៅ មានជយ័មានលាភគ្រប់ៗគ្នា។លុះ ព្រឹកឡើងប្រជាជននៅ ភូមិខ្ញុំពួកគេនាំគ្នាដើរលេងកំសាន្តតាមទីកន្លែងកំសាន្តនានា គ្រួសារខ្លះ គេនៅ ជួបជុំគ្នា គ្រួសារខ្លះទៀតនាំគ្នាទៅលេងតាមញាតិមិត្តជិតឆ្ងាយ ឯគ្រួសារខ្លះទៀតនោះ ពួកគេក៏នាំគ្នាជួបជុំបងប្អូនហើយបរិភោពអាហារឆ្ងាញ់ៗ និងខ្លះទៀតបបួលគ្នាទៅលេងតាមទី វត្តអារាម។ បើនិយាយពីកំលោះក្រមុំនៅ ភូមិខ្ញុំវិញ ពួកគេតែងតែនាំ គ្នាដើរលេងតាមទី ប្រជុំជននានាក៏ដូចជាតាមទីកន្លែងដែលពួកគេតែងតែទៅលេងនោះ ដូចជា តាមប្រាសាទ ជាដើម ។ ពេលដែលពួកគេត្រលប់មកពីដើរកំសាន្តវិញគេនាំគ្នាទៅលេងតាមវត្តអារាមដើម្បី លេងល្បែងប្រជាប្រិយដូចជា បោះអង្គុញ ចោលឈោង ទាញព្រាត់និង រាំលេងធុងបាស ស្គរដៃជាដើម។ ជាពិសេសនៅថ្ងៃពូនភ្នំខ្សាច់និង ស្រង់ព្រះអ្នកភូមិខ្ញុំតែងតែនាំគ្នាទៅលេងវត្ត និងលេងល្បែងប្រជាប្រិយយ៉ាងសប្បាយនៅពេលព្រឹក លុះដល់ពេលល្ងាចទើបពួកគាត់នាំគ្នាពូនភ្នំខ្សាច់ គួរកត់សម្គាល់ដែរនៅថ្ងៃស្រង់ព្រះ ដែលជាថ្ងៃបញ្ចប់ពួកគាត់នាំគ្នាលេងយ៉ាងសប្បាយ ដែលនៅមុខក្លោងទ្វាវត្តមានធុងទឹកយ៉ាងធំ សម្រាប់មុជឲ្យអ្នកដែលមកលេង ឲ្យត្រជាក់ស្រួលខ្លួន គេធ្វើបែបហ្នឹងគឺគេគិតថាចូលឆ្នាំថ្មីហើយត្រូវមុជទឹកឲ្យត្រជាក់ត្រជុំ រកស៊ីទទួលទានមានបានគ្រប់ៗគ្នា លុះដល់ពេលដែលពួកគាត់ត្រូវស្រង់ព្រះហើយ ក៏នាំគ្នាទៅប្រារព្ធ ពិធីនោះរហូតដល់ចប់ទៅ៕

ស្ងាម ក្រឹម

Wednesday, May 23, 2012

ពិធីបុណ្យ​ចួលឆ្នាំថ្មី​នៅភួមិខ្ញុំ

ពិធីបុណ្យចួលឆ្នាំថ្មីនៅភួមិខ្ញុំ