ខ្ញុំសូមលើកហត្ថ គោរពប្រណិប័តន៍
គុណរតនត្រ័យ ព្រះពុទ្ធព្រះធម៍
ព្រះសង្ឃថ្លាថ្លៃ គុណអង្គទាំងបី
ប្រសើរលើសលុប។
ឯគុណមួយទៀត គុណគ្មានគូរប្រៀប
ហើយក៏ជាម្លប់ ត្រជាក់ថ្លៃថ្លា
អស្ចារ្យលើសលុប ទោះថ្ងៃឫយប់
ក៏នៅម្លប់ដែរ។
មហាគុណធ្ងន់ លោកពុកមានគុណ
ហើយនឺងអ្នកម៉ែ ចិញ្ចឹមបីបាច់
ថ្នមរក្សាថែ ច្រើនឆ្នាំច្រើនខែ
មិនចេះនឿយណាយ។
ផ្តល់លុយផ្តល់កាក់ ផ្តល់ក្តីថ្មមថ្នាក់
ផ្តល់ភាពសប្បាយ ផ្តល់ដំបូន្មាន
ល្អៗទាំងឡាយ ចូរកូនគ្រប់កាយ
តបស្នងសងគុណ។
បើថ្លែងរៀបរាប់ រាប់លានសាស័ព្ទ
ក៏មិនចប់គុណ រៀបរាប់ដោយខ្លី
ប្រាប់មហាជន គុណមានទំងន់
ធ្ងន់លើសប្រថពី។
ដើម្បីតបស្នង កូនប្អូនកូនច្បង
ថែលោកទំាងពីរ ដល់ចាស់ជរា
ខិតខំសំភី ទេវតាទាំងពីរ
ថែលោករហូត៕
 |
| លិន ស៊ីណេ( សំណង់ ស៊ីវិល) E-mail: Hisine03@gmail.com |