សរសៃសក់

សសេក់សរសៃ             រញេរញៃ

គឺសរសៃសក់                បាក់ធ្លាក់រយាក

បាំងមុខដំហក               ពេលប៉ះខ្យល់បក

ប៉ើសកប៉ះផ្ងា។

សក់រួញសក់ស្លូត           ប៉ះស្និតរបូត

រញៃពេញក្ដា                ត្រូវគេដើរជាន់

ជាប់ជើងអស្ចារ្យ            ដាច់ឈ្មោះកេសា

ក្លាយជាសម្រាម។

ឈ្មោះសក់ឈ្មោះថ្លៃ       ព្រោះរៀងរាល់ថ្ងៃ

លើក្បាលគ្រប់ប្រាណ      មិនដែលនៅក្រោម

ជនទាំងថ្មើរមាណ          ស័ក្កធំហួសឋាន

មិ​នខ្លាចអំណាច។

ខ្យល់បករំភើយ             សកមិនព្រួយឡើយ

ព្រោះមិនកោងកាច         កក្រើករវិច

ឥតមានភ័យខ្លាច           ព្រោះគ្មានអំណាច

ណាធំជាងទេ។

សក្រហមខ្មៅ               គយគន់យូទៅ

ស្រស់ល្អគួស្នេហ៍           សក់វែងអន្លាយ

ពេញស្មាមាសមេ           ចង់ស្ទាបថ្នមថែ

រលោងយ៉ាងណា?

ចិន ភ្នី( គីមី វិទ្យា)
E-mail: chinpny@gmail.com