ជីវិតក្មេងវត្ត

ក្មេងវត្តកំសតរស់អត់ស៊ីឃ្លាន

ខ្លួនក្ររហាមបានវត្តអាស្រ័យ

មកពីស្រុកស្រែខ្លួនខ្មៅជាប់ដី

ហូរញើសរាល់ថ្ងៃមិនដែលបានល្ហែ។

មករៀនបន្តចិត្តអរឥតប្រួល

ទាំងឈរទាំងដួលតស៊ូឥតប្រែ

ដើម្បីខ្លួនឯងបងប្អូនពុកម៉ែ

ទោះក្រុងឬស្រែមនុស្សដូចគ្នា។

រស់ក្រោមព្រះសង្ឃបាយវត្តជាគុណ

ដែលជាគ្រឿងទុនស្វែងរកវិជ្ជា

ប្រតិបត្តព្រះសង្ឃរៀនធម៌អា

មេរៀនសាលាទុកគ្រាន់ជាផ្លូវ។

តស៊ូអំណត់ខំអត់ស៊ូទ្រាំ

មិនគិតរងចាំព្រោះខ្លាចល្ងង់ខ្លៅ

ព្យាយាមឥតរាសម្រេចគោលដៅ

ជាឈ្នាន់តទៅឲ្យបានដល់ត្រើយ។

មិនដែលតូចចិត្តព្រោះត្បិតខ្លួនក្រ

ខំាទាំងត្រដរឥតរាថយឡើយ

ទ្រាំពាក្យមើលងាយពេបជ្រាយឥតស្បើយ

ខាំមាត់ទុកហើយចាំទុកក្នុងចិត្ត។

ទោះបីមាននាមជាកូនសេកលោក

តែគិតមានស្មោកដើរផ្លូវឧក្រិដ្ឋ

ឈានមួយជំហានតម្រង់ជីវិត

វិជ្ជាទ្រព្យពិតអនាគតថ្កើង​៕

ចិន ភ្នី(គី មីវិទ្យា)
E-mail: chinphny@gmail.com