សត្វឆ្កែ

អាណិតសត្វឆ្កែ                        ត្រូវបានដៀលជេ           

ថាគ្មានតម្លៃ                            ដូចជាសម្រាម               

ដែលមិនបានឆ្នៃ                       គួអាណិតក្រៃ

សត្វអាភ័ព្វអើយ។

ទោះខំធ្វើល្អ                            អំពើបវរ                      

គេមិនឃើញឡើយ                   គេថាថោកទាប             

ប្រៀបបានពួកឈ្លើយ                ធ្វើអ្វីក៏ដោយ

ក៏គ្មានប្រយោជន៍។

ពេលគេធ្វើអ្វី                           ដែលមិនប្រពៃ               

គេដៀលថាឆោត                     ដូចជាសត្វឆ្កែ                

យកក្បាលទូលប៉ោត                 គេដៀលថាឆ្កួត

ដូចឆ្កែស៊ីអាចម៍។

ជេគ្នាគេប្រៀប                         គេប្រដូចធៀប               

សត្វឆ្កែជាស្រេច                       ថាអាឆ្កែថោក                

ប្រៀបបានដូចអាចម៍                 ឱ្យឆ្កែធ្វើម្ដេច

រួចកំណែននេះ។

​ឱសត្វឆ្កែអើយ                         មិនបាចធ្វើឡើយ           

ព្រោះវាមិនត្មេះ                        ធ្វើម៉េចយើងទាប           

ខ្វះនូវចំណេះ                          ពាក្យថាខ្ជិលផេះ

ឆ្កែទ្រាំសិនទៅ។

តាមពិតបើគិត                         ចេះយកគំនិត               

គិតឱ្យត្រឹមត្រូវ                         ឆ្កែមានប្រយោជន៍          

យ៉ាងហោចយៀមផ្លូវ                 ការពារសត្រូវ

ឱ្យម្ចាស់វាដែរ៕

ចិន ភ្នី(គីមី វិទ្យា)
 E-mail: phnychin@gmail.com