ផ្លែកន្ទួត

កន្ទួតស្រុកខ្ញុំ   ​          ផ្លែខ្ចីខៀវទុំ

ជូរអែមធម្មតា           អ្វីដែលខុសប្លែក

កន្ទួតស្រុកផ្សារ        ដើមនៅឯណា

ផ្លែស្គាល់តែឈ្មោះ។

កន្ទួតស្រុកស្រែ        ចេះខ្លាចពុកម៉ែ

ផ្លែទុំទើបជ្រុះ           កន្ទួតស្រុកផ្សារ

សស្អាតតែឈ្មោះ​      រស់ជាតិប្លែកខុស

ផ្អែមរួចទើបជូរ។

កន្ទួតធម្មជាតិ​           បានភ្លក់មិនឃ្លាត

រងចាំមិនយូ             អ្នកឈរមើលដែរ

ទឹកមាត់ស្រក់ហូរ     រស់ជាតិវាជូរ

លាងមាត់បានល្អ។

កន្ទួតក្នុងក្រុង           សាច់សផូរផង់

ដេកត្រាំទឹកស                   ក្លាយជាគ្រឿងក្លែម

តាៗសក់ស             មូលៗភរល្អ

កន្ទួតត្រាំទឹក។

ឈ្មោះផ្លែកន្ទួត         ជូរផ្អែមមិនឆ្គួត

ទៅតាមចិត្តនឹក        តម្រូវមនុស្ស

ញ៉ាំបានល្ងាចព្រឹក​     មានស្ងួតមានទឹក

តាមតែចិត្តចង់។

បើយើងចេះច្នៃ         ទទួលកម្រៃ

ដុល្លារផូផង់   មិនថោកទាបទេ

រកស៊ីស្លូតត្រង់                   រកក្រៅចូលក្នុង

សន្សំទិញឡាន។

អ្នកមានគេចេះ         អ្នកក្រតម្រេះ

គិតតែចង់បាន                   មិនដឹងធ្វើអី

ធាតុដើមក៏មាន        ឃើញជូរអត់រៀន

ឃ្លានចាំតែផ្អែម៕៚

ប៉ាវ ចន្រ្ទា (គីមីវិទ្យា)
chantreapav@gmail.com