ដកស្រងពី គេហទំព័កម្ពុជាថ្មី
ឧត្ដរមានជ័យ ៖ កាលពីថ្មីៗនេះកម្លាំងសហគមន៍ឃុំអន្លង់វែងចុះល្បាតព្រៃបានប្រទះឃើញសកម្មភាពអារឈើលេខ២ខុសច្បាប់នៅខាងក្រោយស្នាក់ការលោក ប៊ូ វណ្ណៈ ដែលជានាយផ្នែករដ្ឋបាលព្រៃឈើចម្ងាយ៧០០ម៉ែត្រ។ សព្វថ្ងៃនេះមន្ត្រីជំនាញបង្ក្រាបបទល្មើសនៅក្នុងស្រុកអន្លង់វែងកំពុងតែបើកភ្លើងខៀវអោយជនល្មើសធ្វើសកម្មភាពតាមអំពើចិត្តដោយមិនមានវិធានការទប់ស្កាត់បទល្មើសណាឡើយ។
លោក ប៊ូ វណ្ណៈ នាយផ្នែករដ្ឋបាលព្រៃឈើប្រចាំស្រុកអន្លង់វែងនិងស្រុកត្រពាំងប្រាសាទបានរៀបរាប់ប្រាប់កម្ពុជាថ្មីថាអោយដឹងថាសព្វថ្ងៃឈ្មួញរកស៊ីឈើលេខ២ខុសច្បាប់នៅខាងក្រោយស្នាក់ការរបស់លោកកើតមានឥតឈប់ឈរហើយលោកមិនមានវិធានការទប់ស្កាត់នោះទេដោយសារតែអ្នករកស៊ីបទល្មើសទាំងនោះសុទ្ធតែជាមន្ត្រីយោធាហេតុនេះហើយលោកមិនហ៊ានចុះបង្ក្រាបនោះទេពីព្រោះមន្ត្រីយោធាទាំងនោះសុទ្ធតែមានប្រដាប់អាវុធ៕
