ឧត្តរមានជ័យគឺជាខេត្តមួយនៅជាប់ព្រំប្រទល់និងប្រទេសថៃ
ខេត្តនេះដែរមានច្រកចូលទៅក្នុងប្រទេសថៃជាច្រើន ទាំងតូច ធំ
មិនតែប៉ុណ្ណោះមានប្រជាជនកម្ពុជាបានទៅរស់នៅ
និងច្រកទាំងនោះទៀតផង។ ដូចជាក្នុងនេះខ្ញុំលើក
ពីភូមិថ្មដូនមកនិយាយ ភូមិនេះគឺជាច្រកចូលប្រទេសថៃមួយ
ដែលមានទីតាំងនៅជាប់និងទឹកដីរបស់ថៃដោយផ្ទាល់គឺ នៅម្ខាងរបងម្នាក់
ហើយមានទីតាំងនៅលើភ្នំដងរ៉ែកក្នុងឃុំគោកមន ស្រុកបន្ទាយអំពិល
ខេត្តឧត្តរមានជ័យ នៅលើភ្នំដងរ៉ែកជាប់និងខេត្តសុរិន្ទនៃប្រទេសថៃ។
កាលដើមឡើយភូមិនោះជាទីតាំងរបស់កងទ័ពកម្ពុជាយើងដែលនៅការពារទឹកដី
តែក្រោយមកពួកទាំងនោះបានបង្កើតភូមិនេះឡើង
ដោយមានប្រជាជនមកពីតំបន់ផ្សេងៗខ្លះអ្នករស់នៅក្បែរនោះខ្លះនិងបងប្អូនកងទ័ព្ធផ្សំជាមួយទៀតទៅរស់នៅទីនោះរហូតបានក្លាយទៅជាកូនភូមិមួយនៅលើភ្នំតែម្ដង។
ភូមិថ្មដូន គឺនៅភាគខាងជើងឈៀងខាងកើតទីរួមស្រុកបន្ទាយអំពិល
ហើយផ្ទៃដីភូមិនេះគឺមានទំហំធំគួរសមដែរ តែមិនសូវមានប្រជាជនរស់នៅច្រើននោះទេ
ដោយសារនៅទីនោះប្រជាជនពិបាកក្នុងការរកទទួលទានណាស់
ប្រជាពលរដ្ឋភាគច្រើនចូលទៅធ្វើការនៅប្រទេសថៃដោយខុសច្បាប់
ដោយសារតែពួកគេគ្មានថវិការសម្រាប់យកទៅធ្វើប៉ះស្ព័រឆ្លងដែនស្របច្បាប់
ដូចនេះហើយបានជាធ្វើអោយពួកគេ
សម្រេចចិត្តឆ្លងដែនទៅធ្វើការដោយខុសច្បាប់យ៉ាងនេះនោះ
ពួកគេរស់នៅទីនោះមិនបានយល់ដឹងអំពីបញ្ហាសុខភាពនិងការអប់រំនោះទេ
ក្មេងៗភាគច្រើនមិនបានចូលសាលារៀនដោយសារតែនៅក្នុងភូមិនោះ
ខ្វះសាលារៀននិងគ្រូបង្រៀន ទាំងនេះគឺជាបញ្ហាមួយសម្រាប់បងប្អូននៅទីនោះ
ណាមួយឪពុកម្ដាយរបស់ពួកគេខ្វះការយល់ដឹង
ជីវភាពក្រុមគ្រួសាលំបាកខ្វះខាត នៅឆ្ងាយទីប្រជុំជន
ដូចនេះហើយបានជាកូនៗរបស់ពូកគាត់មិនមានឱកាសបានចូលរៀននិងគេ។
នៅពេលពួកគេពេញរូបរាងឡើង ពុកម្ដាយរបស់ពួកគេបានបញ្ជូនពួកគេអោយទៅធ្វើការស៊ីឈ្នួលនៅក្នុងប្រទេសថៃ
ទាំងលំបាកដោយសារតែពួកគេមិនមានចំនេះដឹង
ពេលទៅប៉ះចំថៅកែរថៃធ្វើបាបដោយធ្វើការអោយហើយពេលដល់ខែត្រូវបើកលុយ
បែរទៅជាមិនបើកអោយ ពេលខ្លះប៉ះតម្រួតថៃចាប់បានវាយធ្វើបាបតាមតែអំពើរចិត្តរបស់ពួកគេ។
អ្វីដែលពិសេសរបស់ភូមិនេះគឺ ភូមិនៅលើភ្នំមានព្រៃឈើ
កន្លែងដើរលេងកំសាន្តនិងមានរូបដួនមួយដែលកើតឡើងពីថ្មរាងដូចជាមួកមានទំហំធំ
និងមានដានជើងប្របាទធម្មិកនៅជាប់និងថ្មមួយដាន មិនតែប៉ុណ្ណោះភូមិនោះនៅលើភ្នំមានដើមឈើតូច
ធំជាច្រើន និងសម្រស់ធម្មជាតិដ៏ស្រស់បំព្រោងគួរអោយចង់គយគន់
និងពេលបានទៅឃើញហើយមិនចង់ត្រឡប់មកវិញ
ដោយសារតែភាពល្អស្អាតរបស់ធម្មជាតិនៅទីនោះបានទាក់ទាញអារម្មណ៍របស់អ្នកដែលបានទៅកំសាន្ត
ជាច្រើនអោយបានស្គាល់អំពីច្រករបៀងមួយនេះ។
កាលពីមុនច្រកនេះទាហានព្រំដែនថៃនិង
កងទ័ពខ្មែរដែលនៅការពារព្រំដែនបានព្រមព្រៀងគ្នាហើយបានបើកច្រកនេះអោយដំនើរការ
ដើម្បីដោះដូរទំនិញខ្នាតតូច រវាងប្រជាជនថែនិងខ្មែរ។ តែចាប់តាំងពីឆ្នាំ២០០៧មក
ច្រកនេះត្រូវបានបិទលែងដំនើរការ
ដោយសារតែកម្ពុជានិងថៃមានជំលោះព្រំដែន
ហើយច្រកនេះត្រូវបានបិទមិនអោយដំនើរការរហូតមកដល់ពេលនេះ
ចំនែកឯស្ថានភាពរវាងថៃនិងកម្ពុជានៅតែមានភាពតានតឹងនៅឡើយនៅតាមច្រកមួយចំនួន។
ទាំងនេះគឺជាការលំបាករបស់ប្រជាពលរដ្ឋខ្មែរដែលរស់នៅតាមព្រំដែនមួយចំនួននៃខេត្តឧត្តរមានជ័យ។
ប្រសិនបើថៃនិងកម្ពុជាមិនមានភាពចំរុងចំរាស់គ្នា
ហើយបើកច្រកចេញចូលទាំងអស់អោយដំនើរការនោះសេដ្ឋកិច្ចរវាងប្រទេសទាំងពីរកាន់តែលូតលាស់ជាងមុន
ហើយរៀបចំច្រកទាំងនោះអោយក្លាយទៅជាកន្លែងដោះដូរទំនិញដែលសំខាន់នោះប្រទេសទាំងពីរនិងទទួលបានប្រយោជន៍ច្រើនជាពុំខាន៕៚
អូត ឡាទីន
