ថៅកែស្រុកយើង ធ្វើឬកតំកើង
មើលងាយអ្នកក្រ ស៊ីញើសឈាមគេ
ខ្មៅល្អក់កករ ឃើញខ្មៅថាស
ថាល្អពេកក្រៃ។
ធ្វើបាបអ្នកទាប ព្រោះគ្នាសុភាព
ធ្វើឲ្យគ្នាភ័យ លុយក៏បានទាប
ព្រោះល្បិចម្ចាស់ថ្លៃ ដែលឲ្យតម្លៃ
មិនសមតាមការ។
ធ្វើការពេញម៉ោង
ពិបាករាប់រង់
រាល់គ្រប់កិច្ចការ គ្រប់មុខតំណែង
ដែលគេឲ្យការ
ពិបាកយ៉ាងណា
ក៏នៅទ្រាំបាន។
ឃើញកម្មករ មិនមាត់មិនក
ថាគ្នាសុខសាន្ដ តាមពិតគ្នាអត់
ស្ទើរស្លាប់ចាកឋាន ព្រោះមិនស្រាកស្រាន្ត
ពីការស៊ីលើ។
លុយមកបានសម បើថៅកែកុំ
កឹបកេងធ្វើពើ បន្ថោកលុយខែ
កុំដើរខ្សែលើ នោះពិតមិនធ្វើ
ឲ្យពួកគាត់ខ្សត់។
ឲ្យៗគ្នាទៅ ព្រោះគាត់និតនៅ
ធ្វើទាំងនឿយហត់ តស៊ូពុះពារ
មិនរាប្រាកដ ព្រោះកុំឲ្យអត់
កំសត់រាល់ថ្ងៃ។
ជាតិជាកូនឈ្នួល បើមេមិនស្រួល
នោះពិតយ៉ាប់ក្រៃ ព្រោះជីវិតខ្លួន
សមសួនប្រពៃ ដោយមេកែច្នៃ
លៃឲ្យត្រឹមត្រូវ។
ខ្ញុំសូមអំពាវ អស់លោកឈប់កៀវ
ឈប់កេងទៀតទៅ ជួយលើកតម្កើង
កម្មករឲ្យនៅ រកស៊ីរាក់ជ្រៅ
ជីវភាពប្រសើរ៕
 |
| ស្ងាម ក្រឹម (រូបវិទ្យា) sngamkroem@gmail.com |