 |
|
http://scienceblogs.com/thescian/2007/02/16/
ponvandu-a-penguin-among-the-i/ |
កំភេមគឺជាសត្វម្យ៉ាងដែលមានរូបខ្លី
វារស់នៅក្នុងព្រៃ
គេចាត់ទុកសត្វនេះជាប្រភេទសត្វល្អិតមានសម្រស់ស្រស់ស្អាតជាងសត្វនានា។
បើយើងក្រឡេកមើលមួយភ្លែត
នឹកស្មានតែពេជ្រមួយគ្រាប់ដែលផុសឡើងនៅពណ៌ចំឡែកៗអមទៅនិងស្លឹកឈើមួយប្រភេទដែលវាចូលចិត្តស៊ីជាអាហារ។
នៅលើផែនដីយើងមានប្រភេទសត្វជាច្រើន
តែសត្វមួយនេះវាចំឡែកត្រង់ថាពិបាករក នៅក្រៅរដូវរបស់វា
ព្រោះវាកើតនៅតាមរដូវកាលរបស់វា។ រដូវវស្សា ជារដូវដែលមានកំភេម
តាមការសង្កេតរបស់ខ្ញុំ ក្នុងភូមិភាគឧត្តរ។
ឥឡូវយើងមើលទៅលើលក្ខណសម្បត្តិរបស់វា គឺមានខ្លួនមូល
មាត់តូចនៅសង់ខាងមាត់វាមានពុកមាត់ពណ៌ប្រផេះល្អិតៗដូចមាត់ដង្កូវស្វា
ស្លាបមានបីស្រទាប់សំរាប់ហោះហើរ
ស្រទាប់ទីមួយគឺមានពណ៌ខ្មៅរលោងលាយពណ៌ស្វាយចាស់ ស្លាបចែកចេញជាពីដាច់ពីគ្នា
ស្រទាប់ទី២ មានពណ៌ស្វាយសភាពស្ដើង
និងស្រទាប់ទី៣ពណ៌សប្រផេះដែលជាប់និងស្រទាប់ទី២។
ដងខ្លួនរបស់សត្វនេះមានពណ៌២ប្រភេទ នៅបន្ទាប់ពីស្លាបពណ៌បៃតង
នៅផ្នែកខាងក្រោមពណ៌ខ្មៅមានទ្រូងកន្លាក់ៗដូចផ្នត់ទឹករលកអញ្កាញ់ៗប្រមាណជា៥ផ្នត់
ចំនែកករបស់វាប្រៀបបាននិងដង្កាប បើសិនយើងដាក់វត្ថុអ្វី ឬ
ដៃមនុស្សចូល វានិងគាប់ជាប់ រីឯភ្នែកតូចក្រឡឹងពណ៌ខ្មៅ
វាស៊ីស្លឹកជាអាហារ
ចំនែកស្លឹកដែលវាស៊ីគឺមានតែមួយប្រភេទគឺដើមទ្រះ។ សត្វនេះមានតែមួយរដូវប៉ុណ្ណោះគឺនៅក្នុងកំឡុងខែ
៩-១០ដែលជាខណ្ខពេលបុណ្យភ្ជុំបិណ្ឌប្រពៃណីខ្មែរ
សត្វនេះចេះលាបម្សៅ
ចាស់តែងតែនិយាយពីមាត់មួយទៅមាត់មួយប្រាប់ដល់កូនចៅជំនាន់ក្រោយថា
បើសត្វកំភេមលាបម្សៅហើយ ពួកគាត់មិនអោយចាប់វាទេ
ព្រោះបើសិនជាយើងចាប់វានិងនាំមកនៅភាពមហន្តរាយដល់យើងនិងមានបាបកម្មខ្លាំងមិនអាចលុបលាងបាននោះក្នុងមួយជាតិ។
ជើងរបស់វាមានចំនួនប្រាំបីដែលជើងខាងមុខ
មានសភាពខ្លី
ម្រាមជើងវាស្អិតមានរោមនូវជាប់និងបាតជើង សត្វនេះបង្កកំណើតដោយការពាក់គ្នារួចបានបង្កជាពងនៅក្នុងពោះ
ក៏ញាស់នៅក្នុងពោះរួចបញ្ចេញមកក្រៅ។ តែបើនិយាយពីអត្ថប្រយោជន៍
សត្វនេះយើងអាចយកវាទៅធ្វើជាចំណីអាហារ
និងយកមកធ្វើជាល្បែងលេងបានយ៉ាងសប្បាយ តើយើងលេងវាយ៉ាងដូចម្ដេច មុនដំបូង
ចាប់យកសត្វនេះពីក្នុងព្រៃរបោះ
ហើយចងនឹងខ្សែតូចដែលអាចចូលចន្លោះក្បាលនឹងដងខ្លួន
ហើយបង្ហើរលេងដោយកាន់ខ្សែដូចដែលយើងចងកញ្ចែរទ្រំ លេងដូច្នោះដែរ៕៚
 |
|
http://insects-morphology.blogspot.com/2012/09/
jewel-beetle.html#chitika_close_button
|
 |
| បូ
វិណៃ (សេដ្ឋកិច្ច និងអភិវឌ្ឍន៍ជនបទ) bovinai.omc@gmail.com |